සුභ ආරංචියක් - ණය යෝජනා ක්‍රමයට කැබිනට් අනුමැතිය

"තිරසර කෘෂි වැඩසටහන” ණය යෝජනා ක්‍රමය, 2026 වර්ෂයේ සිට වාර්ෂික වැඩසටහනක් ලෙස ක්‍රියාත්මක කිරීම සඳහා අමාත්‍ය මණ්ඩලයේ අනුමැතිය හිමි වී ඇත.

මෙම යෝජනාව ඉදිපත් කර ඇත්තේ මුදල්, ක්‍රමසම්පාදන සහ ආර්ථික සංවර්ධන අමාත්‍යවරයා වශයෙන් ජනාධිපති අනුර කුමාර දිසානායක මහතාය. තිරසර කෘෂී අරමුදලේ පවතින අරමුදල්වලින් රුපියල් මිලියන 800ක මුදලක් තිරසර කෘෂි වැඩසටහන 2026 වසරේ ක්‍රියාත්මක කිරීම සඳහා වෙන් කිරීමට අපේක්ෂිතව ඇති අතර කෘෂිකාර්මික ප්‍රජාවගේ ජීවන තත්ත්වය සහ දළ දේශිය නිෂ්පාදනයට කෘෂිකර්ම අංශයෙන් ලැබෙන දායකත්වය ඉහළ නැංවීම අරමුණු කර ගනිමින් කුඩා පරිමාණ කෘෂි ව්‍යාපාර සහභාගිත්ව වැඩසටහන ශ්‍රි ලංකා රජයේ සහ කෘෂිකාර්මික සංවර්ධනය සඳහා වූ ජාත්‍යන්තර අරමුදලේ මූල්‍ය දායකත්වය යටතේ ක්‍රියාත්මක වේ.

බැංකුවෙන් ණය ගත්තද? මහ බැංකුවෙන් සහනයක්

මෙම වැඩසටහන කෘෂීකර්ම,පශු සංම්පත්,ඉඩම් සහ වාරිමාර්ග අමාත්‍යංශය විසින් ශ්‍රි ලංකා මහ බැංකුවේ ප්‍රාදේශීය සංවර්ධන දෙපාර්තමේන්තුව සමඟ එක්ව ක්‍රියාත්මක වන අතර කුඩා පරිමාණ කෘෂි ව්‍යාපාර සහභාගීත්ව වැඩසටහන යටතේ ලබා දි ඇති ණයවල සියලුම අයකර ගැනීම් කෘෂිකාර්මික ණය ලබා දීම සඳහා වෙන් වූ “තිරසර කෘෂි අරමුදල” යනුවෙන් නම් කරනු ලැබ ඇති වක්‍රීය අරමුදලකට යොමු කරනු ලැබේ.

ශ්‍රී ලංකාව තුළ දරුණු ප්‍රහාරයක්? ඉලක්ක ගත ප්‍රහාරයක් ගැන සැකයක්

එකී අරමුදල භාවිත කරමින් කෘෂිකර්මාන්තයේ සහ ඒ ආශ්‍රිත ක්‍රියාකාරකම්වල නියැලී සිටින පුද්ගලයන් සහ ආයතන සඳහා “තිරසර කෘෂී වැඩසටහන” නමින් කෘෂිකාර්මික ණය යෝජනා ක්‍රමයක් ක්‍රියාත්මක කිරීමට සැලසුම් කර ඇත.