ඔබේ ලොකුම සිහිනය වංචාවකට ගොදුරු කරගන්න එපා - ව්‍යාජ රැකියා ජාවාරම්කරුවන්ට අසුවීමෙන් බේරෙන හැටි මෙන්න

අද සමාජයේ රැකියා අවස්ථා සොයන බොහෝ දෙනෙක් විවිධ වංචාකාරී ක්‍රියාවලට ගොදුරු වන අවදානමක් පවතී. විශේෂයෙන්ම විදේශ රැකියා හෝ දේශීය රැකියා ලබා දෙන බව පවසමින් ඇතැම් පුද්ගලයන් සහ වංචාකාරී ආයතන රැකියා අපේක්ෂකයන්ගෙන් මුදල් ඉල්ලා සිටිති.

"ඔබට ඉක්මනින් රැකියාවක් ලබා දෙන්නම්", "සම්මුඛ පරීක්ෂණයක් අවශ්‍ය නැහැ", "වීසා සහ අනෙකුත් ලියකියවිලි සකස් කර දෙන්නම්" යනුවෙන් පොරොන්දු ලබා දෙමින් මුදල් ලබා ගැනීමට උත්සාහ කළ හැකිය.

ඇතැම් අවස්ථාවලදී රැකියාවක් ලබා දෙන බවට ව්‍යාජ ලිපි ලේඛන සහ දැන්වීම් පවා ඉදිරිපත් කරති.

මතක තබා ගන්න

රැකියාවක් ලබා දෙන බව පවසමින් මුදල් ඉල්ලා සිටින සෑම අවස්ථාවක්ම සැකයෙන් තොරව විශ්වාස නොකරන්න. මුදල් ගෙවීමට පෙර පහත කරුණු පිළිබඳව සැලකිලිමත් වන්න.

අදාළ ආයතනයේ නීත්‍යනුකූලභාවය සහ විශ්වාසනීයත්වය පරීක්ෂා කරන්න.

රැකියා දැන්වීමේ සඳහන් තොරතුරු නිවැරදිදැයි තහවුරු කරගන්න. රැකියා ගිවිසුම, වැටුප, සේවා කොන්දේසි සහ අනෙකුත් ගාස්තු පිළිබඳව පැහැදිලි තොරතුරු ලබාගන්න.

නිල රිසිට්පතක් හෝ ලිඛිත සාක්ෂියක් නොමැතිව මුදල් ලබා නොදෙන්න.

ඔබේ පුද්ගලික තොරතුරු, බැංකු විස්තර සහ රහස්‍ය ලේඛන නාඳුනන පුද්ගලයන්ට ලබා නොදෙන්න. විශේෂයෙන් විදේශ රැකියාවක් සොයන්නේ නම්, අදාළ රැකියා නියෝජිත ආයතනය සහ රැකියා අවස්ථාව ශ්‍රී ලංකා විදේශ සේවා නියුක්ති කාර්යාංශය (SLBFE) හරහා තහවුරු කරගන්න.

ඔබේ වෙහෙස මහන්සියෙන් උපයාගත් මුදල් වංචාකරුවන්ට ලබා නොදෙන්න.

හොඳ රැකියාවක් සොයා ගැනීමේදී ඉක්මන් තීරණ වෙනුවට නිවැරදි තොරතුරු මත පදනම් වූ තීරණ ගන්න. ඔබේ රැකියා සිහිනය වංචාවකට ගොදුරු වීමට ඉඩ නොදෙන්න. දැනුවත් වන්න. පරීක්ෂා කරන්න.

ආරක්ෂිතව රැකියාවක් සොයා ගන්න!

2025 උසස් පෙළ පදනම් කරගත් විශ්වවිද්‍යාල ප්‍රවේශය අභියාචනා මත තේරී පත් වූවන්ගේ ලියාපදිංචි කිරීම් අරඹයි - අවසන් දිනය මෙන්න

ඉදිරි පැය 36 තුළ දිවයිනේ පළාත් කිහිපයකට වැසි සහ ගිගුරුම් සහිත වැසි - කාලගුණ විද්‍යා දෙපාර්තමේන්තුවෙන් අනතුරු ඇඟවීමක්