ඔබ යා යුතු තැනට අපි ඔබව යවනවා - නාමල්ගෙන් අනුරට දැඩි ප්‍රහාරයක්

"බලයට පත්වන විට ඔබ අපට සූදානම්ව සිටින ලෙස පැවසුවා. දැන් ඔබත් සූදානම් විය යුතුයි. යා යුතු තැන අපි ඔබට පෙන්වා දෙනවා," යැයි ශ්‍රී ලංකා පොදුජන පෙරමුණේ ජාතික සංවිධායක හා පාර්ලිමේන්තු මන්ත්‍රී නාමල් රාජපක්ෂ මහතා, ජනාධිපති අනුර කුමාර දිසානායක මහතාගේ නායකත්වයෙන් යුත් රජයට එරෙහිව ප්‍රකාශයක් කරමින් පැවසීය.

ඊයේ (22) පාර්ලිමේන්තුවේදී කම්කරු අයවැය සහන සංශෝධන පනත් කෙටුම්පත සහ කම්කරු ජාතික අවම වැටුප් සංශෝධන පනත් කෙටුම්පත පිළිබඳ විවාදය අමතමින් ඔහු මේ බව පැවසීය.

අධ්‍යාපන ප‍්‍රතිසංස්කරණයට මේකයි වෙන්නේ - හරිනි කරන්නේ පවර්පොයින්ට් ප‍්‍රසන්ටේෂන් එකක්

ඔහු තවදුරටත් මෙසේ ප්‍රකාශ කළේය;

"බලයේ සිටින අය තවමත් වසර 15කට පෙර කී දේම පවසනවා. බලයට පත්වූ පසුත් ඔවුන් එම බොරු කතාවලින් බැහැර නොවෙනවා.

ඔබ වැටුප් වැඩි කිරීම ගැන කතා කරනවා. ඒක හොඳ දෙයක්. නමුත්, වැටුප් වැඩි කරලා ඒ වැටුපට සමානව බදු එකතු කර රජයට ආපසු ලබා ගන්නවා. එවිට වැටුප් වැඩිවීමේ ප්‍රතිලාභය සේවකයාට ලැබෙනවාද? නැහැ. බදු ප්‍රතිපත්තිවලට අනුව වැඩි කළ වැටුපෙන් විශාල කොටසක් රජයට ලැබෙනවා.

මන්ත්‍රී රෝහිණී කතානායකට සද්දෙ දායි පාර්ලිමේන්තුව උඩුයටිකුරු වෙයි

බලයට පැමිණීමට පෙර ඔබ කීවා එය එක අත්සනකින් කළ හැකි බව. නමුත්, දැන් ඔබට තේරෙනවා එය එතරම් පහසු නැහැ කියලා.

දැන් රජයේ ආයතනවල පළිගැනීම් සිදුවෙනවා. වෘත්තීය සමිති මර්දනය කරනවා. ඔබම එදා වෘත්තීය සමිතිවලට නායකත්වය දුන්නා. ගුරු සංගමය පාසල්වලට නොගොස් විරෝධතාවල යෙදුණා. දැන් ඔබ කියනවා වෘත්තීය සමිති අත්හැරිය යුතුයි, මාරු කළ යුතුයි, රජයේ සේවය අක්‍රිය කළ යුතුයි කියලා. ඔබේ දේශපාලන මැදිහත්වීම් ගැන ඔබ කතා නොකර රජයේ නිලධාරීන්ට චෝදනා එල්ල කරනවා.."

දරුවාගේ අනාගතය වෙනස්වෙයි - නව අධ්‍යාපන ප්‍රතිසංස්කරණය මෙන්න