හෙට සිට රජයෙන් මේ අයට විශේෂ වැඩසටහනක්

‍ඉන්ධන, පොහොර සහ කෘෂි යෙදවුම්වල මිල ඉහළ යාම හමුවේ ඒ වෙනුවෙන් යොදා ගත හැකි විකල්ප මොනවාද යන්න සම්බන්ධයෙන් ගොවීන් දැනුම්වත් කිරීමේ විශේෂ වැඩසටහනක් හෙට (14) දින ආරම්භ කිරීමට නියමිත බව වාර්තා වේ.

ඒ අනුව යල කන්නය ඉලක්ක කර ගනිමින් 'ඉසුරු ගෙනෙන යලක්' ජාතික කෘෂිකර්ම වැඩසටහන යටතේ ගොවීන් මෙසේ දැනුම්වත් කිරීමට කටයුතු යොදා ඇති බව කෘෂිකර්ම දෙපාර්තමේන්තුව සඳහන් කරයි.

ඩීසල් මිලයි මහ වැස්සයි නිසා එළවළු කටේ තියන්න බැරි වෙයි - ගිනි ගණන් ගිය එළවළු මිල ගණනුත් එක්කම මෙන්න

එහි පුහුණු හා ව්‍යාපෘති අධ්‍යක්ෂ සිසිර කුමාර මහතා කියා ඇත්තේ මෙම වැඩසටහන දිවයින පුරා ක්‍රියාත්මක කිරීමට බලාපොරොත්තු වන බවයි.

"යල කන්නය ඉලක්ක කර ගෙන ජාතික කෘෂිකර්ම වැඩසටහන යටතේ ඉන්ධන, පොහොර සහ කෘෂි යෙදවුම්වල මිල ඉහළ යාම හේතුකොටගෙන ඒ සඳහා යොදා ගත හැකි විකල්ප මොනවාද යන්න ඒ වැඩසටහන් මාලාව ගොවීන් දැනුවත් කරනවා. ඒත් එක්කම පස් පරීක්ෂණ කරලා පොහොර යොදන විදිහ, ඒ වගේම රසායනික පොහොර භාවිතය අවම කරගෙන කොහොමද වගා කරන්නේ, අඩු පොහොර ප්‍රමාණයක්ගෙන් වැඩි අස්වැන්නක් ලබන්නේ කොහොමද, නවතම තාක්ෂණයක් කොහොමද මේ අර්බුදය හමුවේ ලබාගෙන ශ්‍රම වියදම ලබාගන්නේ, මේ සියල්ල පිළිබඳ ගොවි මහත්වරු දැනුවත් කරන ප්‍රායෝගික වැඩසටහන් මාලාවක් තමයි 'ඉසුරු ගෙනෙන යලක්' කියලා හදුන්වා දෙන්නේ. කවුපි, මුං, මිරිස්, ළුණු වැනි බෝග ප්‍රවර්ධනය කරලා ආර්ථිකය සවිබල ගන්වන්නත් ආනයනය සීමා කරන්නත් බලාපොරොත්තු වෙනවා මේ වැඩසටහන තුළින්"

විශාල ලෙස ඉන්ධන මිල ඉහළ යාම හමුවේ රටේ ඉන්ධන කෝටාව සහ QR ක්‍රමය ගැන දැනුම්දීමක්

රැකියාවෙන් පස්සෙත් රජ සැප - තේ කර්මාන්තයේ අයට 25,000කට වැඩි විශ්‍රාම වැටුපක්