මේ ජනතාවට සුබම සුබ ආරංචියක් - අවුරුදු 200කට පසු රජයෙන් ඔප්පු සහ ස්ථිර ලිපින දෙයි
මලෛයිගම් ජනතාව මෙරටට පැමිණ වසර 200කට පසු ඔප්පුවක් සහිත තමන්ගේම නිවසක් සහ ස්ථිර ලිපිනයක් ලබාදීමට වත්මන් රජය කටයුතු කරමින් සිටින බව සෞඛ්ය හා ජනමාධ්ය අමාත්ය වෛද්ය නලින්ද ජයතිස්ස මහතා ප්රකාශ කරයි.
ඒ අනුව 2017 වසරේ සිදුවූ ස්වාභාවික ආපදා තත්ත්වයෙන් නිවාස අහිමි වූ ජනතාව සඳහා පාලින්දනුවර, පැළෑද බටහිර ග්රාම නිලධාරී වසමේ මොහොමදීවත්ත නව නිවාස ව්යාපෘතිය යටතේ නිවාස 17ක් ඉදිකිරීමේ කටයුතු අද (03) දින නිල වශයෙන් ආරම්භ විය. ඒ අමාත්ය නලින්ද ජයතිස්ස මහතාගේ ප්රධානත්වයෙන්.
එසේම එම අවස්ථාවට වැවිලි සහ ප්රජා යටිතල පහසුකම් නියෝජ්ය අමාත්ය සුන්දරලිංගම් ප්රදීප් මහතාද එක්ව සිටියා.
ඒ අනුව 2025 වසරේ ආරම්භ කළ මොහොමදීවත්ත නව නිවාස ව්යාපෘතිය යටතේ යටිතල පහසුකම්ද සහිතව එක් නිවසක් රුපියල් ලක්ෂ 34ක් බැගින් වන නිවාස 17ක් ඉදිකිරීමට නියමිතව ඇත.
ඉන් නිවාස 12ක් වැවිලි හා ප්රජා යටිතල පහසුකම් අමාත්යාංශය යටතේ ඉදි කෙරෙන අතර, ඉතිරි නිවාස 5 ඉන්දියානු නිවාස ආධාර ව්යාපෘතිය යටතේ ජාතික නිවාස සංවර්ධන අධිකාරියේ මැදිහත්වීමෙන් ඉදිකිරීමට නියමිත බව සඳහන්.
වසර 09ක් පුරා අධිඅවදානම් සහ අවදානම් තත්ත්වයන්ට මුහුණ දෙමින් නිවාස නොමැතිව පීඩාවට පත්ව සිටි ආපදා ලාභී ජනතාවට ස්ථිර නිවාස ලබාදීම වෙනුවෙන් අමාත්යාංශ දෙකක ඒකාබද්ධ දායකත්වයෙන් මෙම ව්යාපෘතිය ක්රියාත්මක කරයි.
එසේම ජාතික නිවාස සංවර්ධන අධිකාරිය ක්රියාත්මක කරන “තමන්ගේම තැනක් – ලස්සන ජීවිතයක්” නිවාස ආධාර වැඩසටහනේ 2026 වසරේ දෙවන අදියර යටතේ පාලින්දනුවර ප්රාදේශීය ලේකම් බල ප්රදේශයේ ප්රතිලාභීන් 16 දෙනෙකු වෙනුවෙන් රුපියල් මිලියනය බැගින් වූ නිවාස ආධාර චෙක්පත්ද අද(03) දින ප්රදානය කර ඇත.
එහි පළමු අදියර යටතේ ප්රතිලාභීන් 08 දෙනෙකුට නිවාස ආධාර ලබාදී නිවාස ඉදිකිරීම් අවසන් කර තිබෙන අතර, තෙවන අදියර වෙනුවෙන් ප්රතිලාභීන් 55 දෙනෙකු තෝරාගෙන ඇත.
එමෙන්ම මලෙයිගම් ජනතාව මෙරටට පැමිණ වසර 200ක් ගතවුවද, ඔවුන්ට ඔප්පුවක් සහිත තමන්ගේම නිවසක්, ලිපිනයක් සහ අනන්යතාවක් ලබාදීමට හැකිවී ඇත්තේ වත්මන් රජය යටතේ බව අමාත්ය නලින්ද ජයතිස්ස මහතා මෙහිදී ප්රකාශ කළා.
ආපදාවට ලක්වූ ජනතාව වෙනුවෙන් වෙන්කරන මුදල් ඉලක්කගත වැඩපිළිවෙළක් යටතේ එම කටයුතු සඳහාම යෙදවිය යුතු බවද ඔහු පැවසුවා.
ලබන වසරේ සංවර්ධන ව්යාපෘති සඳහා රජය ඉතිහාසයේ වෙන් කළ වැඩිම මුදල වශයෙන් රුපියල් බිලියන 2,000ක් වෙන් කිරීමට නියමිත බවද නලින්ද ජයතිස්ස මහතා ප්රකාශ කළා.
එසේම දිගුකාලීනව පීඩාවට පත්ව සිටින ජනතාවට ස්ථිර සහ සුරක්ෂිත නිවාස හිමිකරදීම රජයේ මූලික අරමුණක් බවත්, අදාළ නිවාස කඩිනමින් ජනතා අයිතියට පත් කිරීමට කටයුතු කරන බවත් අමාත්යවරයා වැඩිදුරටත් අවධාරණය කළා.
![නිකුත් වූ ශිෂ්යත්ව විභාග ප්රතිඵල ගැන දැනුම්දීමක් - විභාග දෙපාර්තුමේන්තුවෙන් විශේෂ මාධ්ය හමුවක් [VIDEO]](https://cdn.ibcstack.com/article/b6c9df66-f019-48c8-93f0-00c775f3d56c/26-6a9813f791c2a-sm.webp)
![තවදුරටත් ජීවත් නොවෙන මනුස්සයෙක්ට ඍජුව හෝ අනියමාර්ථයෙන් අපහාස කරන එක නවත්තන්න.. චූලාට කතා කියපු හැමෝටම චන්දිමාල්ගෙන් කනේ පාරක් [VIDEO]](https://cdn.ibcstack.com/article/6546e269-e02f-43c0-997b-41b75d5dc2c7/26-6a9707bd39f62-sm.webp)
![එක් කෙනෙක්ගේ දුවෙක් එංගලන්තෙට යවලා ගෙයි මාසේ කුලිය විතරක් ලක්ෂ හතරහමාරක්.. යට ඇඳුමක් පවා ගන්න වත්කමක් නෑ කියපු ඇමතිලාගේ පැටිකිරිය රාජිත දිගාරියි [VIDEO]](https://cdn.ibcstack.com/article/8cbaccf7-70cb-4cf3-aba1-abe62e5fb2f5/26-6a954f52b1e3f-sm.webp)
![ස්වභාවධර්මය කියන්නේ හරිම භයානක දෙයක්.. ලොවම කම්පා කළ නේපාලේ විනාසය 2009 ම චිත්රපටියකට ගහලා.. චිත්රපට දර්ශනයක් ලෝකෙම සමාජ මාධ්ය කළඹයි [VIDEOS]](https://cdn.ibcstack.com/article/2ffa476b-737e-4749-a861-0dabdb12a1bb/26-6a92a92382ae5-sm.webp)
![මේ දුම්රිය සේවා ගැන නරක ආරංචියක් - ශ්රී ලංකා දුම්රිය ස්ථානාධිපතිවරුන්ගේ සංගමයෙන් බරපතළ චෝදනාවක් [VIDEO]](https://cdn.ibcstack.com/article/bcac04c8-017e-42d5-a452-73237e7c66a1/26-6a9172f766db6-sm.webp)
![තාත්තා බීලා හිටියට සර්ට ගහන්න අයිතියක් නෑනේ.. මේ මනුස්සයගේ ලේ බලන්නකෝ.. නෑ මම යන්නෑ.. - තාත්තට ගැහුවට පුතා පොලිසිය දෙවනක් කරයි [VIDEO]](https://cdn.ibcstack.com/article/53b11160-ac29-4623-9a8a-edb4c2a449d8/26-6a8dc2e06aec0-sm.webp)
