වඳින්න ගිය බෝ ගස හිසට කඩා වැටෙයි. - හාස්කමකින් මෙන් සිදු වූ දේ මෙන්න. - ජීවිත 5කට දෙවියෝ දුන් තීන්දුව. - (PHOTO)
Wayomi
මාවනැල්ල, හෙම්මාතගම, පෙතිගම්මාන, නාගින්දාරාම විහාරස්ථානයේ පෙරේදා (24) පස්වරුවේ බෝ ගස කඩා වැටී ඇති අතර, එම අවස්ථාවේ මළුවේ සිටි සැදැහැවතුන්ගෙන් කාන්තාවන් පස් දෙනෙකු තුවාල ලබා හෙම්මාතගම රජයේ රෝහල වෙත ඇතුළත් කළ බව හෙම්මාතගම පොලිසිය සඳහන් කළා.
ඒ, වස්සාන කාලය වෙනුවෙන් පැවැත්වෙන බෝධි පූජාවේ සමාරම්භක දිනය දවසේ බෝධි පූජාව පැවැත්වෙන අතරවාරයේදීයි.
ගස වැටෙන අවස්ථාවේ කුඩා දරුවන් සහ වැඩිහිටියන් බෝ මළුවේ බැම්ම අවට වාඩි වී සිට ඇති අතර ගස පාත් වී මළුව වටා ඇති බැම්මේ කොටසක එහි විශාල අතු වැදී තිබුණි.
එම අවස්ථාවේ එහි කුඩා අතු කිහිපයක් වැදීම නිසා මෙලෙස පස් දෙනෙකු රෝහල් ගත කර අතර මළුවේ සිටි අන් අයගෙන් කොටසක් බෝ ගසට යට වී තිබුණ ද කිසිදු හානියක් ඔවුන්ට සිදු වී නොමැත.
විහාරස්ථානයේ බොහෝ දෙනෙකු පැවැසුයේ හාස්කමකට මෙන් බොහෝ දෙනෙකුගේ සහ කුඩා දරුවන්ගේ ජීවිත බේරුණු බවයි.
රෝහල් ආරංචිමාර්ග පවසන්නේ රෝහල්ගත කරන ලද කාන්තාවන්ට බරපතළ හානි සිදු වී නොමැති අතර ඔවුන් සියලු දෙනාට වයස අවුරුදු 50ට වැඩි කාන්තාවන් වන බවයි.
කෙසේ වෙතත් බෝ ගස කඩා වැටුණ ද මළුවේ පිහිටි චෛත්‍යයට හෝ චෛත්‍යය වටා තිබුණු මල් ආසනයට, බුදු පිළිමවලට ද බෝ ගස වැටීමෙන් හානියක් සිදු වී නොවීම හාස්කමක් වැනිය බවයි බොහෝදෙනා පවසන්නේ.
