‘පාස්කු ප්‍රහාර සැකකාර ඊබ්‍රාහිම්ගේ රන් භාණ්ඩ මුදාහරින්න’ - CIDට නියෝග

පාස්කු ඉරුදා (2019) ත්‍රස්ත ප්‍රහාර සිද්ධියේ සැකකරුවෙකු වූ ඊබ්‍රහිම් ඉල්හාම් අහමඩ් (කොළඹ ෂැංග්‍රිලා හෝටලයේ බෝම්බකරු) පදිංචිව සිටි දෙමටගොඩ මහවිල ගාඩ්න්ස් නිවසෙන් අපරාධ පරීක්ෂණ දෙපාර්තමේන්තුව විසින් අත්අඩංගුවට ගනු ලැබූ රන් භාණ්ඩ, මැණික් ඇතුළු දේපළ ඔහුගේ සහෝදරයා වන ඉෆ්ලාල් අහමඩ් වෙත සතියක් තුළ මුදා හැරීමට කොටුව (කොළඹ බලකොටු) මහේස්ත්‍රාත් ඉසුරු නෙත්තිකුමාර මහතා පෙරදා (25) නියෝග කර තිබේ.

මෙම නියෝගය නිකුත් කිරීමේදී මහේස්ත්‍රාත්වරයා අවධාරණය කළේ:

පූර්වගාමී මහේස්ත්‍රාත්වරයකු මීට පෙර සිදු කළ නියෝගයකට අනුව විරෝධතා දැක්වීමට CIDට සාධාරණ කාලයක් ලබා දී තිබූ බවත්, එම කාලය තුළ කිසිදු විරෝධතාවක් හෝ කරුණු දක්වා නොමැති බවත්,

ඊට පසුව තවත් මහේස්ත්‍රාත්වරියකු විසින් වාර්තාවක් කැඳවීමට නියෝග කළ නමුත් එයද නොසලකා හැරීමට CID කටයුතු කළ බවත්,

මෙම භාණ්ඩ තමන්ට අයත් බවත්, මුදා හැරීමට අනුමැතිය ලබා දෙන ලෙසත් ඉෆ්ලාල් අහමඩ් විසින් නීතිඥයෙකු මගින් ඉදිරිපත් කළ ඉල්ලීම මත මෙම තීරණය ගත් බවත්ය.

සුරේෂ් සලේ අත්අඩංගුවට ගත්තේ පැහැදිලි සාක්ෂි මත.. පැය 72ක් රඳවා ගනී

අපරාධ පරීක්ෂණ දෙපාර්තමේන්තුව අධිකරණය හමුවේ ප්‍රකාශ කළේ මෙම භාණ්ඩ මේ වන විට මහ බැංකුවේ සුරක්ෂිතාගාරයේ තැන්පත් කර ඇති බවත්, මුදා හැරීමට සාධාරණ කාලයක් ලබා දෙන ලෙසත් ඉල්ලා සිටියේය. නමුත් මහේස්ත්‍රාත්වරයා එය ප්‍රතික්ෂේප කරමින් සතියක් තුළ භාණ්ඩ මුදා හැරිය යුතු බවත්, එසේ නොකළහොත් අධිකරණයට අගෞරව කිරීම ලෙස සැලකෙන බරපතළ වරදක් බවත් පෙන්වා දුන්නේය.

මීට අමතරව,

අධිකරණ නියෝග ක්‍රියාත්මක නොකිරීම අපරාධ නීතිය යටතේ බරපතළ වරදක් බවත්, නීතිපතිවරයාගේ උපදෙස් පැතීම වැරදි ක්‍රියාවක් බවත් අවධාරණය කළ මහේස්ත්‍රාත්වරයා, නඩුව ලබන ජුනි 17 වැනිදා නැවත කැඳවීමට ද නියෝග කර තිබේ

පාස්කු ඉරුදා කොළඹ ෂැංග්‍රිලා හෝටලය ඇතුළු ස්ථාන කිහිපයකට එල්ල වූ මරාගෙන මැරෙන බෝම්බ ප්‍රහාරවලදී මියගිය තවුහිද් ජමාත් සංවිධානයේ නායක මොහොමඩ් සහරාන් ඇතුළු සැකකරුවන් අටදෙනෙකුට එරෙහිව මෙම නඩුව පවරා ඇත. ඇතැම් සැකකරුවන්ට අධි චෝදනා ගොනු කර ඇති අතර, ඒ.එච්.එම්. රිෆාස් සහ මොහොමඩ් නිලාම් යන දෙදෙනා ඇප මත මුදා හැර ඇති අතර, නඩුව විවෘත කැඳවූ අවස්ථාවේදී ඔවුන් විවෘත අධිකරණය හමුවේ පෙනී සිටියහ.

දේශපාලන බලය පවත්වා ගන්න පාතාලය යොදාගෙන ඇමති විජේපාලගෙන් හෙළිදරව්වක්

අමාත්‍ය ආනන්ද විජේපාලගේ සහ සුනිල් වටගලගේ ජීවිත අනතුරේ - බුද්ධි තොරතුරක් මත CID විමර්ශන