කත්‍රිනා කයිෆ්ගේ ලස්සන වීමේ රහස හෙළිවෙයි - කජල් භාවිතයෙන් ඇස්වලට අමුතුම පෙනුමක්

බොලිවුඩ් නිළි කත්‍රිනා කයිෆ් සිය දෛනික මේකප් පුරුද්දට එක්කරගෙන ඇති සරල රූපලාවණ්‍ය උපක්‍රමයක් පිළිබඳව හෙළි කර තිබේ. කජල් (Kajal) භාවිතයෙන් ඇස්වලට වැඩි තීව්‍රතාවක් සහ ආකර්ෂණීය පෙනුමක් ලබාගත හැකි මෙම ක්‍රමය, ඇය ඉගෙනගෙන ඇත්තේ ‘Jab Tak Hai Jaan’ චිත්‍රපටයේ රූගත කිරීම් සඳහා ලන්ඩනයට ගොස් සිටි කාලයේදීය.

ලන්ඩනයේ Space NK හි පැවති Kay Beauty සන්නාමයට වසරක් සපිරීමේ උත්සවයකදී පැවති ප්‍රශ්නෝත්තර සැසියකදී ඇය මේ බව අනාවරණ කර තිබේ.

එහිදී කත්‍රිනා සඳහන් කර ඇත්තේ, සාමාන්‍යයෙන් කජල් ආලේප කිරීමෙන් පසු එය ඇඟිලිවලින් හෝ වෙනත් ක්‍රමයකින් තරමක් විසිරුවා හරින නමුත්, තමන් ඉගෙනගත් මෙම ක්‍රමය ඊට වඩා වෙනස් බවයි.

ඒ සඳහා අවශ්‍ය වන්නේ කජල්, කළු පැහැති අයි ෂැඩෝ (Black Eyeshadow) සහ පැතලි මේකප් බුරුසුවක් (Flat Brush) පමණි.

කත්‍රිනාගේ කජල් උපක්‍රමය භාවිත කරන්නේ මෙහෙමයි පළමුව සාමාන්‍ය පරිදි ඇස් පිහාටු මුල් රේඛාව දිගේ කජල් ආලේප කළ යුතුය. ඉන්පසු පැතලි මේකප් බුරුසුවට කළු පැහැති අයි ෂැඩෝ කුඩු ස්වල්පයක් ගෙන, කජල් ආලේප කළ රේඛාව මතින් මෘදුව ආලේප කිරීම මෙම ක්‍රමයයි.

ප්‍රියංකා චොප්රාගේ දීපවාලි සාදයට සන්යා මල්හෝත්‍රායා අලංකාර මිලියන 2.2ක කළු-රන්වන් ඇඳුමකින්

එමඟින් කජල් සහ අයි ෂැඩෝ ස්ථර දෙකක් ලෙස එක්වී ඇස්වලට වඩාත් තද පැහැයක් සහ පැහැදිලි පෙනුමක් ලබාදෙන බව ඇය පෙන්වා දී තිබේ.

කත්‍රිනා පවසන්නේ මෙම ක්‍රමය තමන්ට විශාල වෙනසක් ඇති කළ උපක්‍රමයක් බවත්, එය ඉගෙනගත් පසු සෑම දිනකම පාහේ තම මේකප් පුරුද්දට එක්කරගත් බවත්ය.

එමෙන්ම කජල් මත අයි ෂැඩෝ ආලේප කිරීමෙන් එය ඉක්මනින් මැකී යාම හෝ විසිරී යාම අඩු කරගැනීමට ද උපකාරී විය හැකි නමුත්, එහි ප්‍රතිඵල භාවිත කරන නිෂ්පාදන සහ සමේ ස්වභාවය අනුව වෙනස් විය හැකිය.

සම රැකගැනීම ගැනත් කත්‍රිනාගේ අදහස් මීට පෙර The Hollywood Reporter සමඟ පැවති සාකච්ඡාවකදී කත්‍රිනා සිය සම රැකගැනීමේ පුරුදු පිළිබඳව ද අදහස් දක්වා තිබුණි.

එහිදී ඇය සඳහන් කර තිබුණේ ෂීට් මාස්ක් (Sheet Masks) සහ සැහැල්ලු සෙරම් (Serums) භාවිත කිරීමට තමන් කැමැත්තක් දක්වන බවයි.

ඒවා සමට පහසුවෙන් උරාගන්නා අතර ප්‍රතිඵල ලබාදෙන බව ද ඇය පවසා තිබේ.

එමෙන්ම එක් රැයකින් සමේ විශාල වෙනසක් ඇති කරන බවට ප්‍රචාරය කරන රූපලාවණ්‍ය නිෂ්පාදන පිළිබඳව ද ඇය අදහස් පළ කර ඇත. ඇයගේ අදහස වන්නේ දිගුකාලීනව සමට වඩාත් ප්‍රයෝජනවත් වන්නේ මෘදු සංයෝග සහ අඛණ්ඩව පවත්වාගෙන යන සම රැකගැනීමේ පුරුදු බවයි.

බොලිවුඩය හොල්ලපු සුපිරි තරුව අමිතාබ් බච්චන්ගේ ජීවිතයට බෝම්බ තර්ජනයක්ද? - මුම්බායි නිවස අසලදී වෙඩි නොවදින වීදුරුවකට මුවා වී රසිකයින් හමුවෙයි