ඇමතිවරු දෙදෙනෙක්ට හා නගරාධිපතිවරයෙක්ට වැඩ වරදී - ඉඩම් වංචාවට අධිකරණයෙන් දුන් නියෝගය

ව්‍යාජ ඔප්පුවක් භාවිතයෙන් පෞද්ගලික ආයතනයක් සතු දෙමහල් ගොඩනැගිල්ලක් සහිත ඉඩමක් රුපියල් ලක්ෂ 36කට බදු දී වංචා කිරීමේ සිද්ධියක් සම්බන්ධයෙන් වෙළෙඳ, වාණිජ, ආහාර සුරක්ෂිතතා සහ සමූපකාර සංවර්ධන ඇමති වසන්ත සමරසිංහ, කම්කරු නියෝජ්‍ය ඇමති මහින්ද ජයසිංහ සහ කඩුවෙල නගරාධිපති රන්ජන් ජයලාල් යන පුද්ගලයින්ගෙන් ප්‍රකාශ ලබා ගනිමින් උදෘත ගොනු කිරීමට ගල්කිස්ස මහේස්ත්‍රාත් ඒ. ඩී. චතුරිකා ද සිල්වා මහත්මිය අද (25) කොළඹ වංචා විමර්ශන කාර්යාංශය වෙත නියෝග කළාය.

විධායක ජනාධිපති ධූරය අහෝසි වෙනවද? කලබල වෙන්න එපා අපි කිව්වොත් කරනවා - අගමැතිනිය

මෙම විමර්ශනයේදී අනාවරණය වූ ලේඛන අතර, ගොඩනැගිල්ලට අදාල සහතික කරන ලද ඔප්පු පිටපත්, 2017 සැප්තැම්බර් 3 වනදා පැවති වෘත්තීය සමිතියේ මහ සභා රැස්වීම් වාර්තා (අංක 166, 206, 207), සහ වංචා සහිත ලෙස භාවිතා කළ බදු ඔප්පුවල පිටපත්ද අඩංගුය.

වැඩ පෙන්නන්න ගිය ලොක්කට බරපතළ වැඩ සහිත සිරදඬුවම්

එමෙන්ම, කඩුවෙල, ගල්කිස්ස දිසා අධිකරණවල හා සිවිල් අභියාචනාධිකරණයේ දී මෙම දේපළ සම්බන්ධයෙන් පැවති නඩු සම්බන්ධව සම්පූර්ණ වාර්තාද අද දිනයේදී කොළඹ වංචා විමර්ශන කාර්යාංශය විසින් අධිකරණයට ඉදිරිපත් කරන ලදී.

බස් අනතුරකින් ළමුන් ඇතුළු 9 දෙනෙක් මරුට

අධිකරණයට ඉදිරිපත් කරන ලද වාර්තාවට අනුව, විමර්ශන අතරතුර සොයාගත් ලේඛන කිහිපයක් ද ඇතුළත් වේ. ඒවා අතර ගොඩනැගිල්ලට අදාළ ව්‍යාජ ඔප්පුවේ සහතික කළ පිටපතක්, වසන්ත සමරසිංහ මහතා ජාතික කම්කරු කොංග්‍රස් වෘත්තීය සමිතියේ සභාපති ලෙස පත්කළ 2017 සැප්තැම්බර් 03 දිනැති රැස්වීම් වාර්තා, අංක 166, 206 සහ 207 දරන බදු ගිවිසුම්වල සහතික කළ පිටපත්, මෙන්ම කඩුවෙල දිසා අධිකරණය, දිසා අධිකරණය සහ සිවිල් අභියාචනා මහාධිකරණය යන අධිකරණවල මතභේදයට තුඩු දී ඇති දේපල සම්බන්ධ නඩු වාර්තා ද වේ. මෙම ලේඛන තවදුරටත් අධිකරණමය සලකා බැලීම් සඳහා වංචා විමර්ශන කාර්යාංශයේ නිලධාරීන් විසින් අද දින අධිකරණයට විධිමත්ව ඉදිරිපත් කරන ලදී.

අගතියට පත් වූ පාර්ශ්වය නියෝජනය කළ ජනාධිපති නීතීඥ මෛත්‍රී ගුණරත්න මහතා විසින් සහතික කළ අමතර ලේඛන 35ක් ද අද අධිකරණයට ඉදිරිපත් කෙරිණි. මෙම නඩුව නැවත කැඳවීමට නියම වී ඇත්තේ ලබන අගෝස්තු 22 වනදාය.