හිටපු පොලිස්පති පූජිත් ජයසුන්දරට තීන්දුව දෙන දිනය මෙන්න - පාස්කු ප්‍රහාරය ගැන බුද්ධි තොරතුරු තිබිලත් වළක්වාගෙන නෑ

අද (12) දින කොළඹ ස්ථිර පුද්ගල මහාධිකරණ මිනිසුරු මඩුල්ල නියම කර ඇත්තේ පාස්කු ඉරුදින ත්‍රස්ත ප්‍රහාරයකින් එල්ල වීමට නියමිත බවට බුද්ධි තොරතුරු ලැබී තිබියදීත් එය වළක්වා ගැනීමට කටයුතු නොකිරීම තුළින් සාපරාධි ලෙස රාජකාරිය පැහැර හැරීම ඇතුළු චෝදනා එල්ල වි සිටින හිටපු පොලිස්පති පූජිත් ජයසුන්දරට එරෙහිව නීතිපතිවරයා විසින් ගොනු කර තිබෙන නඩුවේ තීන්දුව ජූලි මස 31 වනදා ප්‍රකාශයට පත් කරන බවයි.

එම නඩුවේ වාචික හා ලිඛිත දේශන මේ වන විට පාර්ශවකරුවන් විසින් ඉදිරිපත් කර අවසන්ව ඇත. මෙම නඩුව අද (12) කොළඹ ස්ථිර ත්‍රිපුද්ගල මහාධිකරණ විනිසුරු මඩුල්ල ඉදිරියේ ප්‍රියන්ත ලියනගේ, විරාජ් වීරසූරිය සහ තිලකරත්න බණ්ඩාර යන මහත්වරුන්ගෙන් සමන්විත ඉදිරියේ කැඳවනු ලැබීය.

සූරේෂ් සලේගේ සෞඛ්‍ය නරක අතට - ජීවිතයට සැලකිය යුතු තර්ජනයක් - සලේගේ බිරිඳ හෙළිකරයි

එම නඩුවේ වාචික හා ලිඛිත දේශන මේ වන විට පාර්ශවකරුවන් විසින් මේ වනවිට ඉදිරිපත් කර අවසන් කර ඇති අතර එහිදී ඉදිරිපත් වූ කරුණු සලකා බැලූ විනිසුරු මඩුල්ල මෙම නඩුවේ තීන්දුව ජූලි මස 31වනදා ප්‍රකාශයට පත් කරන බවත් විනිසුරු මඩුල්ල නිවේදනය කළේය.

මේ අතර මෙම චෝදනා සම්බන්ධයෙන් හිටපු ආරක්ෂක ලේකම් හේමසිරි ප්‍රනාන්දු මහතාට එරෙහිව ගොනු කර තිබූ නඩුව ද අද (12) කැඳවූ අතර එහිදී පැමිණිල්ල වෙනුවෙන් අතිරේක සොලිසිටර් ජෙනරාල් සුදර්ශන ද සිල්වා මහතා දේශන ඉදිරිපත් කළේය. පසුව විත්තිකාර හේමසිරි ප්‍රනාන්දු මහතා වෙනුවෙන් නීතිඥ චමින්ද අතුකෝරළ මහතා දේශන ඉදිරිපත් කළ අතර ඔහුගේ වැඩිදුර දේශන ඉදිරිපත් කිරීම ලබන සඳුදා (15) දක්වා කල් තැබීමට ද විනිසුරු මඩුල්ල නියෝග කළේය.