කොළඹ හෙට වැසෙයි - ශ්‍රී ලංකා පොලිසියෙන් විශේෂ නිවේදනයක් - කොළඹ ජනතාවට විශේෂ රථවාහන සැලැස්මක්

"Colombo Marathon 2026" ජාත්‍යන්තර මැරතන් තරගය වෙනුවෙන් කොළඹ ප්‍රදේශයේ විශේෂ රථවාහන සැලැස්මක් ක්‍රියාත්මක කිරීමට ශ්‍රී ලංකා පොලිසිය පියවර ගෙන ඇති අතර, ඒ අනුව හෙට එනම් ඉරිදා (13) උදෑසන 6.00 සිට මාර්ග කිහිපයක රථවාහන ගමනාගමන සීමා පැනවීමට නියමිතය.

පොලිස් මාධ්‍ය කොට්ඨාසය පවසන පරිදි, මෙම මැරතන් තරගය උදෑසන 6.00ට ජාතික ක්‍රීඩා අධිකාරි (NSA) පරිශ්‍රයෙන් ආරම්භ වී කොල්ලුපිටිය සහ මැරීන් ඩ්‍රයිව් (Marine Drive) හරහා ගාලු මුවදොර (Galle Face) දෙසට ගමන් කරනු ඇත.

නාමල් මහින්ද රාජපක්ෂගේ පුතා වුණාට නාමල්ට කවදාවත් මහින්ද රාජපක්ෂ වෙන්න බෑ - මහින්දගේ දේශපාලන පෞරුෂය වෙන කාටවත් එන්නෙත් නෑ

තරගය පැවැත්වෙන මාර්ග ඔස්සේ උදෑසන 6.00 සිට 10.00 දක්වා රථවාහන ගමනාගමන සීමා ක්‍රියාත්මක කෙරෙන අතර, රථවාහන පොලිස් නිලධාරීන්ගේ උපදෙස් පිළිපදින ලෙස රියදුරන්ට දැනුම් දී තිබේ.

මැරීන් ඩ්‍රයිව් ඔස්සේ කොළඹ දෙසට පැමිණෙන වාහන කොල්ලුපිටිය හන්දියෙන් හරවා වෙනත් මාර්ගයක් ඔස්සේ යොමු කිරීමට කටයුතු කරන බව පොලිසිය සඳහන් කළේය.

ආසියානු සංවර්ධන බැංකුවෙන් නිවේදනයක් - පළාතකට මිලියන 750 බැගින් මුදල්

එසේම දෙහිවල, ගල්කිස්ස සහ ඒ ආශ්‍රිත ප්‍රදේශවල සිට කොළඹ දෙසට පැමිණෙන රියදුරන්ට ද ආරක්ෂක අමාත්‍යාංශ හන්දිය (M.O.D. Junction), කොම්පඤ්ඤවීදිය, වැලිකඩ සහ බොරැල්ල හරහා දිවෙන මාර්ග ඇතුළු විකල්ප මාර්ග භාවිත කරන ලෙස උපදෙස් දී ඇත.

මෙම ඉසව්ව අතරතුර රථවාහන පාලනය සඳහා යොදවා ඇති නිලධාරීන්ට සහාය වන ලෙස පොලිසිය රියදුරන්ගෙන් සහ මහජනතාවගෙන් වැඩිදුරටත් ඉල්ලා සිටී. මැරතන් තරගය අතරතුර ආරක්ෂාව සහ රථවාහන පාලන කටයුතු සඳහා යතුරුපැදි 175ත් 177ත් අතර ප්‍රමාණයක් යෙදවීමට නියමිතය.