ගල්කිස්ස ඝාතනයේ සැකකරුවන් පැනලා ගිහින්

ගල්කිස්ස පොලිස් වසමේ අරලිය නිවාස ප්‍රදේශයේදී දෙපිරිසක් අතර ඇතිවූ ගැටුමකින් පුද්ගලයෙකු ජීවිතක්ෂයට පත්වූ සිද්ධිය සම්බන්ධ සැකකරුවන් පස්දෙනෙකු මේ වනවිට ප්‍රදේශයෙන් පලා ගොස් ඇති බව පොලීසිය පවසයි.

රුසියාවේ හෙලිකොප්ටරයක් කඩා වැටේ - අයෙක් ජීවිතක්ෂයට

පොලීසිය සඳහන් කරන්නේ, මෙම පස්දෙනා අතර කාන්තාවන් දෙදෙනෙකුද සිටින අතර ඔවුන්ව හඳුනාගෙන ඇති බවත්, සැකකරුවන් අත්අඩංගුවට ගැනීම සඳහා දැඩි විමර්ශන ක්‍රියාත්මක කරමින් සිටින බවත්ය.

මෙම හදිසි සිදුවීම සිදුව ඇත්තේ ඊයේ (01) සවස වන අතර, තියුණු ආයුධ භාවිතයෙන් පහරදීමකින් පුද්ගලයින් දෙදෙනෙකු බරපතළ තුවාල ලබා ලුනාව රෝහලට ඇතුළත් කර තිබුණි.

ඔන්න තවත් තරුවක් රට බබළවන්න යන්නේ - අංජානා හීනටිගල කිරුළ වෙනුවෙන්

ගල්කිස්ස පොලීසිය පැවසුවේ, එමගින් තුවාල ලබා ප්‍රතිකාර ලබමින් සිටි පුද්ගලයෙකු රෝහලේදී මිය ගොස් ඇති බවත්, අනෙක් තුවාලදායකයා – පාසල් සිසුවෙකු – දැන් වැඩිදුර ප්‍රතිකාර සඳහා කළුබෝවිල රෝහලට මාරු කර ඇති බවත්ය.

පහරදීමට ලක්වූ පුද්ගලයින් දෙදෙනාම එකම පවුලේ සහෝදරයන් වන අතර, මියගිය පුද්ගලයා වයස අවුරුදු 28 ක් වන වැඩිමහල් සොහොයුරායි. තවත් තුවාල ලැබූ පුද්ගලයා නම් වයස අවුරුදු 15 ක් වූ පාසල් සිසුවෙකි.

මූලික විමර්ශන අනුව, පාසලක එකම පන්තියේ ඉගෙනුම ලබන මිතුරන් දෙදෙනෙකු අතර ඇතිවූ බහින්බස්වීමක් සම්බන්ධයෙන් විමසීමට, සිසුවා තම වැඩිමහල් සහෝදරයා සමඟ එක පාර්ශවයක නිවසකට ගිය අවස්ථාවේදී ඇතිවූ ගැටුමකින් මෙම ඝාතනය සිදුව ඇති බව අනාවරණය වී ඇත.