ගුරු පඩිය මදී කියලා ගුරුතුමියක් කරලා තියන දෙයක්..
Piyumika
පොසොන් සමයේදී අනුරාධපුරයට පැමිණෙන මත්රෝලීන්ට මත්කුඩු විකිණීමට සූදානමින් සිටි ගුරුවරියක අත්අඩංගුවට ගැනීමට හැකි වී තිබේ .
රුපියල් කෝටියකට අධික වටිනා මත්කුඩු තොගයක් සමග ගුරුවරිය හා ඇගේ සැමියා අත්අඩංගුවට ගෙන ඇති අතර සැකකාරිය අනුරාධපුර නගරයේ ප්‍රධාන පාසලක පුහුණු ගුරුවරියක් බවයි පැවසේ.සැකකරු අනුරාධපුර සංචාරක නිවාඩු නිකේතනයක සූපවේදී සහායකවරයකු ලෙස කටයුතු කරන බව වාර්තා වේ.
මෙම යුවළ අනුරාධපුර පූජා නගරයේ කුට්ටම් පොකුණ ආසන්නයේ නිවසක තාවකාලිකව නවාතැන්ගෙන සිට ඇති බවත් මොවුන් මේවා ප්‍රවාහනය සඳහා භාවිත කළ යතුරු පැදියක්ද අත්අඩංගුවට ගත් බවයි අනුරාධපුර මූලස්ථාන පොලිසිය පවසා සිටියේ.
මොවුන් වයස 26 සහ 28 හැවිරිදි වියේ පසු වන්නන් වන අතර දෙදෙනා මත්ද්‍රව්‍ය ජාවාරම ආරම්භ කර වසරක කාලයක් සම්පූර්ණ වීම නිසා එය සැමරීමට ගැනුම්කරුවන්ට විශේෂ දීමනාවක් ලබා දීමට සූදානම්ව සිට තිබේ . ඒ අනූව මත්කුඩු පැකට්ටුවක් සඳහා රුපියල් 500, 1000 වශයෙන් වට්ටම් ලබා දී ඇත.
අත්අඩංගුවට පත් ගුරුවරිය වාරියපොල පදිංචිකාරියක් බවද ඇගේ සැමියා කෑගල්ල ප්‍රදේශයේ පදිංචිකරුවකු බවද හදුනාගෙන ඇත .
කුරුණෑගල ප්‍රදේශයේ හෙරොයින් ජාවාරම්කරුවෙකුගෙන් ලබා ගත් මත්කුඩු මොවුන් විසින් අනුරාධපුර පූජා නගරයේදී අලෙවි කර තිබේ .
යුක්තිය මෙහෙයුම යටතේ කළ වැටලීමකදී මෙලෙස මොවුන් නීතියට කොටු කර ගැනීම සිදුකළ බවයි පොලිසිය වාර්තා කර සිටියේ.
