මත්ද්‍රව්‍ය චෝදනා මත ගාසා මානුෂීය පදනම වහාම වසා දැමිය යුතුයි

එක්සත් ජනපදය සහ ඊශ්‍රායලය විසින් සහාය දක්වනු ලබන ගාසා මානුෂීය පදනම වහාම වසා දැමිය යුතු බවට රාජ්‍ය නොවන සංවිධාන 130කට අධික සංඛ්‍යාවක් ඒකමතිකව ඉල්ලා සිටින බව වාර්තා වේ.

මෙම ඉල්ලීම ඉදිරිපත් වන්නේ ගාසා මානුෂීය ආධාර මධ්‍යස්ථානය ආසන්නයේ සිදුවන මරණ සහ ආධාර බෙදාහැරීමේදී මත්ද්‍රව්‍ය මිශ්‍ර කිරීම සම්බන්ධ බරපතළ චෝදනා හේතුවෙනි.

ආයේ දඩ ගෙවන්න ඕනෙත් ඔන්ලයින්

ගාසා මානුෂීය ආධාර පදනම 2025 මැයි මාසයේදී ආරම්භ කෙරිණි. එය ආහාර හා ආධාර බෙදාහැරීම සඳහා විකල්ප ක්‍රමවේදයක් ලෙස ක්‍රියාත්මක වුවද, ගාසා සෞඛ්‍ය අමාත්‍යාංශයට අනුව, එම මධ්‍යස්ථානය ආසන්නයේ පලස්තීන වැසියන් 549කට වැඩි පිරිසක් ඝාතනයට ලක්ව ඇත.

චෝදනා අතර බරපතළම චෝදනාව වන්නේ, ගාසා මානුෂීය පදනම විසින් බෙදාහරින ලද පිටි බෑග්වලට ඔක්සිකොඩෝන් (Oxycodone) වැනි මත්ද්‍රව්‍ය මිශ්‍ර කර ඇති බවයි. ගාසා මාධ්‍ය කාර්යාලය පවසන පරිදි, මෙම ක්‍රියාව සමාජය තුළ මත්ද්‍රව්‍ය ඇබ්බැහිවීම ඇති කරමින් එය විනාශ කිරීමේ උත්සාහයක් ලෙස සැලකේ.

WhatsApp පාවිච්චි කරන ඔබ අනිවාර්යයෙන් කියවන්න - නැතිනම් අනතුරේ

ඒ අනුව, එක්සත් ජාතීන්ගේ සංවිධානය ඇතුළු ජාත්‍යන්තර සංවිධාන බහුතරයක් පෙන්වා දෙන්නේ, ගාසා මානුෂීය පදනම මානුෂීය මූලධර්ම උල්ලංඝනය කරන ආයතනයක් බවයි. එසේම, ජාත්‍යන්තර මානව හිමිකම් සංවිධාන පවසන්නේ, මෙම ක්‍රියාවලිය ජාත්‍යන්තර නීතිය යටතේ යුද අපරාධ ලෙස වර්ගීකරණය කළ හැකි බවයි.

ළමුන් මිලියන ගණන් මිය යයිද? අමානුෂික වන ඩොනල්ඩ් ට්‍රම්ප්