වෙනිසියුලානු විපක්ෂ නායිකාව දිනූ නොබෙල් සාම ත්‍යාගය ට්‍රම්ප්ට දීලා - හේතුව මෙන්න

වෙනිසියුලානු විපක්ෂ නායිකා මරියා මචාඩෝ සිය නොබෙල් සාම ත්‍යාගය අමෙරිකානු ජනාධිපති ඩොනල්ඩ් ට්‍රම්ප් වෙත පිරිනමා ඇත.

මෙය සිදුව ඇත්තේ විපක්ෂ නායිකාව සහ අමෙරිකානු ජනාධිපතිවරයා අතර අමෙරිකාවේ ධවල මන්දිරයේදී පැවැති හමුවකදී බව සඳහන්.

එම හමුවෙන් පසුව පිටතට පැමිණ මාධ්‍යවෙදීන් අමතමින් ඇය කියා ඇත්තේ වෙනිසියුලානු ජනතාවගේ නිදහස සඳහා ඔහුගේ කැපවීම අගය කිරීමක් ලෙස සිය සාම ත්‍යාගය අමෙරිකානු ජනාධිපතිවරයා වෙත පිරිනැමූ බවයි.

කෙසේ වෙතත් පැයකට වඩා කාලයක් පැවති මෙම හමුව අමෙරිකානු ජනාධිපතිවරයා සහ වෙනිසියුලානු විපක්ෂ නායිකාව අතර පැවැත්වූ පළමු හමුව වේ.

එමෙන්ම අමෙරිකානු ජනාධිපතිවරයා සමඟ සාකච්ඡාවෙන් පසු ඇය රිපබ්ලිකන් සහ ඩිමොක්‍රටික් යන දෙඅංශයේම සෙනෙට් සභිකයින්ද හමුව තිබෙනවා.

ජනවාරි 21 සිට මේ රටවල් 75ට වීසා නිකුත් කිරීම දින නියමයක් නොමැතිව කල් යයි

එසේම සිය Truth Social ගිණුමේ සටහනක් තබමින් අමෙරිකානු ජනාධිපතිවරයා සඳහන් කර ඇත්තේ වෙනිසියුලානු විපක්ෂ නායිකා මරියා කොරිනා මචාඩෝ හමුවූ බවත් ඇය බොහෝ දේ අත්විඳ ඇති කාන්තාවක් වන බවත්ය.

තවද ඇය සිය නොබෙල් සාම ත්‍යාගය තමන්ට ප්‍රධානය කළ බවත් තමන් ඒ සම්බන්ධව ඇයට සිය ස්තූතිය පළ කරන බවත් අමෙරිකානු ජනාධිපතිවරයාගේ සටහනේ ඇතුළත්.

මචාඩෝ ඉකුත් සතියේ දිනක තමන් අමෙරිකානු ජනාධිපතිවරයා හමුවීමට බලාපොරොත්තු වන බවත් එහිදී වෙනිසියුලානු ජනතාව සඳහා සිය නොබෙල් සාම ත්‍යාගය අමෙරිකානු ජනාධිපති ඩොනල්ඩ් ට්‍රම්ප් වෙත පිරිනැමීමට කටයුතු කරන බවත් පවසා තිබුණා.

කෙසේ වුවත් මෙම ප්‍රකාශයට නෝර්විජියානු නොබෙල් කමිටුව නිවේදනයක් නිකුත් කරමින් සඳහන් කර තිබුණේ නොබෙල් ත්‍යාගයක් ප්‍රකාශයට පත් කළ පසු එය අවලංගු කිරීමට, බෙදා ගැනීමට හෝ වෙනත් අයෙකු වෙත පිරිනැමීටම නොහැකි බවත් ඇල්ෆ්‍රඩ් නොබෙල්ගේ කැමැත්තෙහි හෝ නොබෙල් පදනමේ ප්‍රඥප්තිවල එවැනි හුවමාරුවක් සඳහා හැකියාවක් නොමැති බව‍යි.

පකිස්ථානය, රුසියාව ඇතුළු රටවල් 75 ක් සඳහා වීසා අත්හිටුවීමේ ලැයිස්තුව මෙන්න

එසේම නොබෙල් ආයතනය සඳහන් කර තිබුණේ, නොබෙල් පදනමේ ප්‍රඥප්ති අනුව ත්‍යාගයක් ප්‍රදානය කිරීම සම්බන්ධයෙන් ත්‍යාග ප්‍රධානය කිරීමේ ආයතනයක තීරණයට එරෙහිව අභියාචනා ඉදිරිපත් කළ නොහැකි බවත් ස්ටොක්හෝම් සහ ඔස්ලෝ හි ත්‍යාග ප්‍රදානය කිරීමේ කමිටුවලින් කිසිවක් වරක් ප්‍රදානය කරන ලද ත්‍යාගයක් අවලංගු කිරීම් ගැන සලකා බලා නොමැති බවත් ය.

ප්‍රතිපත්තිමය වශයෙන් නෝර්විජියානු නොබෙල් කමිටුව සාම ත්‍යාගයලාභීන්ට ත්‍යාග පිරිනැමීමෙන් අනතුරුව ඔවුන් පවසන සහ සිදු කරන දේ සම්බන්ධව අදහස් නොදක්වන බවත් සඳහන් කළ නොබෙල් ආයතනය තම නිවේදනයේ දක්වා ඇත්තේ යම් වසරක් සඳහා නොබෙල් සාම ත්‍යාගය ප්‍රදානය කළ යුත්තේ කාටද යන්න තීරණය කරන මොහොත දක්වා නම් කරන ලද අපේක්ෂකයින්ගේ කාර්යය සහ උත්සාහයන් ඇගයීමට සීමා වනු ඇති බවයි.

ඊශ්‍රායලයේ ඉන්න ශ්‍රී ලාංකිකයින්ට විශේෂ දැනුම්දීමක්