මීගමුව බන්ධනාගාර ගැටුමෙන් මියගිය සහ තුවාල වූ නිලධාරීන්ට මිලියන ගණනින් විශේෂ වන්දි! කැබිනට් මණ්ඩලයෙන් හදිසි තීරණයක්

මීගමුව බන්ධනාගාරයේ ඇතිවූ ගැටුමින් ජීවිතක්ෂයට පත්වූ සහ තුවාල ලැබූ බන්ධනාගාර නිලධාරීන් සඳහා විශේෂ වන්දි මුදලක් ගෙවීමට කැබිනට් අනුමැතිය හිමිව ඇත.

 රාජ්‍ය පරිපාලන චක්‍රලේඛය යටතේ ගෙවනු ලබන වන්දිවලට අමතරව මෙම විශේෂ වන්දි මුදල හිමිවනු ලබයි.

ඒ අනුව ජීවිතක්ෂයට පත් වූ සෑම නිලධාරියෙකුටම රුපියල් මිලියන 05 බැගින් වූ වන්දි මුදලක් සහ පූර්ණ ආබාධිත තත්ත්වටට පත් නිලධාරියෙකු සඳහා රුපියල් මිලියන 05ක මුදලක් මේ හිමිවනු ඇත.

එමෙන්ම අර්ධ ආබාධිත උපරිම ඉපයීමේ ශක්තිය ක්ෂය වීමේ ප්‍රතිශතය 100%ක් තත්ත්වයට පත් වූ නිලධාරියෙකුටම රුපියල් මිලියන 04ක වන්දි මුදලක් ගෙවීමට සහ තාවකාලික අර්ධ ආබාධිත තත්ත්වයට පත් වූ නිලධාරියෙකුට රුපියල් මිලියන 03ක වන්දි මුදලක්ද මෙම විශේෂිත වන්දි ගෙවීම් යටතේ හිමිවනු ලබයි.

මේ අතර බන්ධනාගාර උපක්‍රමික බලකායට නෛතික තත්ත්වය ලබා දීමට හැකිවන පරිදි යෝග්‍ය විධිවිධාන ඇතුළත් කරමින් බන්ධනාගාර ආඥාපනත සංශෝධනය කිරීමටද කැබිනට් අනුමැතිය හිමිව ඇත.

මීට අමතරව ප්‍රමාණවත් සහ සුදුසු නිලධාරීන් සංඛ්‍යාවක් බන්ධනාගාර උපක්‍රමික බලකායට බඳවා ගැනීම තුළින් එය ශක්තිමත් කිරීම, බන්ධනාගාර උපක්‍රමික බලකාය සඳහා අදාළ ක්ෂේත්‍රයන්හී විධිමත් පුහුණුවක් ලබා දීම සහ අවශ්‍ය නවීන උපකරණ එම බලකාය වෙත ලබා දීමටද තීරණය වී ඇත.

ඒ වගේම බන්ධනාගාර උපක්‍රමික බලකා මූලස්ථානය සුදුසු ස්ථානයක පිහිටුවීමට පියවර ගැනීම සඳහාද කැබිනට් අනුමැතිය හිමිව තිබේ.

බෙංගාල බොක්කේ 'ඔර්නබ්' සුළි කුණාටුව 'ඉතා චණ්ඩ' තත්ත්වයට - ඉන්දියාව දෙසට ගමන් කළත් ලංකාවට දැවැන්ත වැසි සහ තද සුළං

පැයට කිලෝමීටර් 140ක චණ්ඩ සුළං සහ මීටර් 4ක් උස දැවැන්ත රළ- බෙංගාල බොක්කේ දැවැන්ත අනතුර ගැන කාලගුණෙන් හදිසි අනතුරු ඇඟවීමක්