මම හිතුවේ ඒවා අමතක කරලා කියලා නමුත් ඒවා අමතකර කරලා නෑ - අපහාස මැද සුපිරි ක්‍රිකට් ක්‍රීඩකයෙක් සංවේදීව පිටියට සමුදෙයි

මතභේදාත්මක කරුණු රැසක් හෙළි කරමින් සිඩ්නිහිදී අනිද්දා (4) ආරම්භවන 'අළු බඳුන' තරගාවලියේ 5වන හා අවසන් තරගයෙන් අනතුරුව ජාත්‍යන්තර ක්‍රිකට් පිටියට සමුදෙන බව උස්මාන් කවජා ප්‍රකාශ කරයි.

ඒ අනුව ඔහු සිය සමුගැනීම නිවේදනය නිකුත් කළේ සිඩ්නි ක්‍රිකට් ක්‍රීඩාංගණයේ දී ඔහුගේ බිරිඳ, දියණියන් දෙදෙනා සහ දෙමාපියන් සහභාගී වූ හැඟීම්බර මිනිත්තු 50ක ප්‍රවෘත්ති සාකච්ඡාවක් පවත්වමින්.

එහිදී ඔහු සඳහන් කළේ සිය වෘත්තීය ජීවිතය පුරාම අනෙකුත් ඔස්ට්‍රේලියානු ක්‍රීඩකයින්ට වඩා තමාට වෙනස් ලෙස සැලකූ බවයි. ඒ ගැන කලකිරීමට හා වේදනාවට පත් වූ බව ඔහු සඳහන් කර තිබෙනවා.

T20 ලෝක කුසලානයට ඔස්ට්‍රේලියාවෙන් තාවකාලික සංචිතයක් නම් කරයි

රිකී පොන්ටිංගේ සමුගැනීමෙන් අනතුරුව ඔස්ට්‍රේලියානු කණ්ඩායමට කැඳවීමක් ලැබූ කවජා 2011 වසරේ දී සිය මංගල ටෙස්ට් තරගය ක්‍රීඩාකළ සිඩ්නි ක්‍රීඩාංගණයේ දීම සිය අවසන් තරගය ක්‍රීඩාකිරීම සුවිශේෂී විය. එමෙන්ම පාකිස්තානයේ උපත ලැබූවෙකු වන කවජා, ඔස්ට්‍රේලියාව වෙනුවෙන් ක්‍රීඩා කළ පළමු මුස්ලිම් ජාතිකයා ද විය.

"මම පාකිස්තානයෙන් ආපු ආඩම්බර මුස්ලිම් කොල්ලෙක්. මම ඔස්ට්‍රේලියානු ක්‍රිකට් කණ්ඩායමට කවදාවත් ක්‍රීඩා කරන්නේ නැහැ සමහර අය කිව්වා. දැන් මාව බලන්න" යනුවෙන් කවජා සඳහන් කරයි.

"මට හැම විටම ටිකක් වෙනස් බවක් දැනුණා, මේ වෙනකම් පවා. මම සුදු නොවන ක්‍රීඩකයෙක්. මගේ මතය අනුව ඔස්ට්‍රේලියානු ක්‍රිකට් කණ්ඩායම... ඒක තමයි අපේ හොඳම කණ්ඩායම. ඒක අපේ ආඩම්බරය සහ ප්‍රීතිය. නමුත් මට ගොඩක් තැන්වලදී වෙනස් බවක් දැනුණා, මට සැලකූ ආකාරය වෙනස්. ඒ දේවල් සිදු වූ ආකාරය අනුව වෙනස්." මට කොන්දේ කැක්කුමක් තිබුණා, ඒක මට පාලනය කරගන්න බැරි දෙයක්. නමුත් මාධ්‍ය සහ හිටපු ක්‍රීඩකයින් ඇවිත් මාව විචේචනය කළා. එයා කණ්ඩායමට කැපවෙලා නැහැ, එයා තමන් ගැන විතරයි. එයා ආත්මාර්ථකාමීයි, එයා පුහුණුවීම් කරන්නේ නෑ. එයා කම්මැලියි වගේ දේවල් කිව්වා...ඒවා හරිම පෞද්ගලිකයි. මම හිතුවේ මාධ්‍ය, පැරණි ක්‍රීඩකයින් සහ අනෙක් සියල්ලන්ම ඒවා අමතක කරලා කියලා. නමුත් පැහැදිලිවම ඒවා අමතකර කරලා නෑ. මොකද ඔස්ට්‍රේලියානු ක්‍රිකට් කණ්ඩායමේ කිසිවෙකුට එසේ සලකනවා මට දැනිලා නෑ. මට හිතුනා මට මේක මතු කරන්න ඕනේ කියලා. මට මේ ගැන කතා කරන්න ඕන වුණේ නැහැ, නමුත් මට ඕන ඊළඟ උස්මාන් කවාජාගේ ගමන වෙනස් වෙන්න. මට ඕන සැමට එක වගේ සලකන්න. එයාලා කවුද කියලා වාර්ගික ඒකාකෘති තියාගන්න එපා. මම ක්‍රීඩා කරන මගේ අනෙකුත් හොඳ ක්‍රිකට් ක්‍රීඩකයන්ට සලකන විදිහටම අනෙක් අයටත් සලකන්න".

මේ වනවිට 39 හැවිරිදි වියේ පසුවන ඔහු ටෙස්ට් තරග 87(ඉනිම් 157)කදී ලකුණු 6,206ක් රැස්කර තිබෙනවා.

එමෙන්ම 43.39ක පිතිකරණ සාමාන්‍යයක් ඇති ඔහු ශතක 16ක් හා අර්ධ ශතක 28කට හිමිකම් ඇත්තෙක්.

කාන්තාවක් නේ..අගමැතිට ලෝකෙ තියෙන නරකම චෝදනාව කරන බව කියන බිමල්

2026 පාසල් වාරය සමඟින් දිවයිනේ සියලුම පාසල්වලට විශේෂ නිවේදනයක්