ඉරානයේ නව නායකයා කෝමා වෙලාද? මොජ්තාබා කමේනිගේ පළමු නිල ප්‍රකාශයෙන් පසු ට්‍රම්ප්ගෙන් ආන්දෝලනාත්මක කතාවක්

ඉරානයේ යුද්ධය ආරම්භ වීමෙන් පසු බලයට පත්වීමෙන් අනතුරුව ප්‍රසිද්ධියේ දක්නට නොලැබුණද, ඉරානයේ අලුතින් පත් කරන ලද උත්තරීතර නායකයා වන මොජ්තාබා කමේනි තවමත් "යම් ආකාරයකින්" ජීවතුන් අතර සිටින බවට එක්සත් ජනපද ජනාධිපති ඩොනල්ඩ් ට්‍රම්ප් විශ්වාස කරන බව වාර්තා වේ.

ඒ අනුව ඉකුත් පෙබරවාරි 28 වන දින ටෙහෙරාන් සංකීර්ණ ප්‍රහාරයකදී ඔහුගේ පියා මිය ගිය එක්සත් ජනපද-ඊශ්‍රායල ප්‍රහාරවලින් කමේනි තුවාල ලබා කෝමා තත්වයේ පසුවූ බවට එක්සත් ජනපද මාධ්‍ය වාර්තාවක් ප්‍රකාශ කිරීමෙන් අනතුරුව ට්‍රම්ප්ගේ මෙම ප්‍රකාශය සිදුව ඇත.

"මම හිතන්නේ ඔහු එහෙම වෙන්න ඇති. මම හිතන්නේ ඔහුට හානි වෙලා ඇති, නමුත් මම හිතන්නේ ඔහු යම් ආකාරයකින් ජීවතුන් අතර ඇති, ඔබ දන්නවා,"

ඉරානයේ නව නායකයාගේ පළමු නිල ප්‍රකාශයෙන් ලෝකයම තැති ගනී - ජාත්‍යන්තරයම කැළඹෙයි

ට්‍රම්ප් විසින් ෆොක්ස් නිවුස් රේඩියෝවේ බ්‍රයන් කිල්මීඩ් වැඩසටහනට මේ බව සඳහන් කර තිබෙනවා.

ඇමරිකානු ජනාධිපතිවරයාගේ මෙම ප්‍රකාශය එක්සත් ජනපදය හා ඊශ්‍රායලය සමඟ යුද්ධයේදී ඉරානය පසුබට නොවන බවට සංඥා කළ මොජ්තාබා කමේනි බලයට පත්වීමෙන් අනතුරුව කළ පළමු ප්‍රසිද්ධ ප්‍රකාශයෙන් පසුව පළව ඇත.

ඒ අනුව "ඔබේ දිවි පිදූවන්ගේ රුධිරයට පළිගැනීමෙන් අපි වැළකී නොසිටිමු," කමේනි ඉරාන වැසියන් අමතමින් සඳහන් කර ඇත.

එසේම මොජ්තාබා කමේනි එම ප්‍රකාශයෙන් වැඩිදුරටත් පවසා ඇත්තේ ඉරානය හෝමූස් සමුද්‍ර සන්ධිය වසා දමා එහි ගල්ෆ් අරාබි අසල්වැසියන්ට ලීවරයක් ලෙස පහර දීම දිගටම කරගෙන යා යුතු බවත්, ගල්ෆ් රටවල ජනතාවගෙන් ඇමරිකානු කඳවුරු "වසා දැමිය යුතු" බවත්, පොරොන්දු වූ එක්සත් ජනපද ආරක්ෂාව "බොරුවකට වඩා වැඩි දෙයක් නොවන" බවත් ය.

ඉරානයේ අලුත් නායකයා ප්‍රහාරයට ලක් වී තුවාල වූ බවට පුවතක් - ඇත්ත ඉරානයෙන් හෙළි කරයි

ඉරානයේ මහා විනාශයක් - එපික් ෆියුරි මෙහෙයුමෙන් ඉරාන බැලස්ටික් මිසයිල මධ්‍යස්ථාන, නෞකා 60ක් ඇතුළු ඉලක්ක 6,000කට ප්‍රහාර