අපේ රජය පරීක්ෂණ සිදු කරන්නේ ජනතාව වෙනුවෙන් මිස ජාත්‍යන්තර ප්‍රජාව සතුටු කරන්න නොවෙයි - අධිකරණ ඇමති

මඩකලපුව, කලවංචිකුඩි, කුරුක්කුලමඩම්හි සමූහ මිනිවලක් ඇති බවට ලැබුණු පැමිණිලි සම්බන්ධයෙන් අධිකරණ හා ජාතික ඒකාබද්ධතා අමාත්‍ය හර්ෂණ නානායක්කාර මහතා එම ස්ථානය නිරීක්ෂණය කර තිබේ.

අද (04) පෙරවරුවේ මාධ්‍ය හමුවේ ඔහු පැවසුවේ, වත්මන් රජය උතුරු හා නැගෙනහිර ජනතාවගේ විශ්වාසය හේතුවෙන් අතුරුදහන්වූවන් පිළිබඳ පැමිණිලි වැඩිවී ඇති බවයි.

අන්තර්ජාතික ප්‍රමිතීන්ට අනුව චෙමිමිණි සමූහ මිනිවල කැණීම් සාර්ථකව සිදුවන නමුත්, කුරුක්කුලමඩම්හි තත්ත්වය වෙනස් බව අමාත්‍යවරයා සඳහන් කළේය. 2014දී මෙම ස්ථානය ගැන පැමිණිලි ලැබුණු අතර, 2019දී අතුරුදහන්වූවන් පිළිබඳ කාර්යාලය පරීක්ෂණ ඉල්ලා ඇතත්, ගෝඨාභය රාජපක්ෂ රජය යටතේ සහාය ලැබුණේ නැත.

කිම් ජොන් උන් 13 හැවිරිදි දියණියත් එක්ක දුම්රියෙන් චීනයට - ආරක්ෂක හේතු මත වාඩිවූ තැනුත් පිසදාලා

අප රජය පරීක්ෂණ සිදුකරන්නේ ජනතාවගේ යුක්තිය තහවුරු කිරීමට මිස ජාත්‍යන්තර ප්‍රජාව සතුටු කිරීමට නොවන බව අධිකරණ හා ජාතික ඒකාබද්ධතා අමාත්‍ය හර්ෂණ නානායක්කාර මහතා පවසයි. කුරුක්කලමඩම් සමූහ මිනිවල සම්බන්ධයෙන් තොරතුරු ඇති ජනතාවගෙන් එම පැමිණිලි ඉදිරිපත් කරන ලෙස ඉල්ලා සිටින අතර, එම තොරතුරු හා ලබාදෙන්නන්ගේ ආරක්ෂාව සහතික කරන බව ඔහු අවධාරණය කළේය. අතුරුදහන්වූ පුද්ගලයින්ට ගෞරවණීය අවසානයක් ලබාදීමට රජය කැපවී කටයුතු කරන බව අමාත්‍යවරයා වැඩිදුරටත් සඳහන් කළේය.

ලබන වර්ෂයේ මුල සිටම සියලු රාජ්‍ය සේවකයන්ගේ වැටුප් ඉහලට වැඩි වෙන්නේ මෙහෙමයි

වත්මන් රජය බලයට පත්වීමෙන් පසු, නැවත ලැබුණු පැමිණිලි අනුව පරීක්ෂණ ආරම්භ වී ඇති අතර, ඉදිරි සති දෙක තුළ කොළඹින් අධිකරණ වෛද්‍යවරු ගෙන්වා නිරීක්ෂණ සිදු කරනු ඇත. අමාත්‍යාංශය මෙම පරීක්ෂණ සඳහා අවශ්‍ය පහසුකම් හා ප්‍රතිපාදන ලබාදීමට කඩිනමින් කටයුතු කරන බව අමාත්‍යවරයා පැවසීය.

අපි හැමෝම ආදරය කල ලෝක ප්‍රකට කලාකරුවකු මිය යයි

ජාත්‍යන්තර ප්‍රමිතීන්ට අනුකූල, විනිවිදභාවයෙන් යුත් පරීක්ෂණයකට අමාත්‍යාංශය උපරිම සහය ලබාදෙන අතර, සාධාරණය හා සත්‍යය සෙවීම රජයේ ප්‍රමුඛ වගකීමක් බවත්, සාමය හා සංහිදියාව ඇති කිරීමට අතීත අමිහිරි සිදුවීම්වලට යුක්තිය ඉටුකළ යුතු බවත් ඔහු අවධාරණය කළේය. ජනතාවගෙන් මෙම සිද්ධියට අදාළ තොරතුරු ලබාදෙන ලෙසත්, එම තොරතුරු හා ලබාදෙන්නන්ගේ ආරක්ෂාව සහතික කරන බවත් ඔහු ඉල්ලා සිටියේය.

අතුරුදහන්වූවන්ට ගෞරවණීය අවසානයක් ලබාදීමට මෙම පරීක්ෂණ හරහා කටයුතු කරන බව අමාත්‍යවරයා වැඩිදුරටත් පැවසීය.

රාජ්‍ය සේවකයින්ගේ වැටුප් වැඩිවීම ගැන ජනපතිගෙන් පොරොන්දුවක්

පාසල්වල අතරමැදි ශ්‍රේණි සඳහා සිසුන් ඇතුළත් කිරීමට නව චක්‍රලේඛයකට අනුමැතිය