තංගල්ලේ මත්ද්‍රව්‍ය පටවා තිබූ ලොරියේ හිමිකරු අත්අඩංගුවට

තංගල්ලේ මත්ද්‍රව්‍ය පටවා තිබූ ලොරි රථයේ හිමිකරු බවට පැවසෙන 25 හැවිරිදි තරුණයෙකු අද (23) උදෑසන ඇල්පිටිය, වල්ඹගල ප්‍රදේශයේදී සැකපිට ප්‍රශ්න කිරීම සඳහා ඇල්පිටිය පොලීසිය විසින් අත්අඩංගුවට ගනු ලැබීය.

පොලීසිය පවසන පරිදි, මෙම සැකකාර තරුණයා ඇල්පිටිය, වල්ඹගල ප්‍රදේශයේම පදිංචිකරුවෙකු වන අතර, මත්ද්‍රව්‍ය භාවිතයට ඇබ්බැහිවූවෙකි. ඔහුගේ නමට ලොරි රථයක් ලියාපදිංචි වී තිබුණද, ඔහුගේ නිවසේ පාපැදියක්වත් නොමැති බව පොලීසිය සඳහන් කරයි.

දකුණු පළාතේ මත්ද්‍රව්‍ය ජාවාරම් පිළිබඳ තොරතුරු ලබාදීම සඳහා විශේෂ දුරකථන අංකයක්

ප්‍රශ්න කිරීම්වලදී සැකකරු හෙළි කර ඇත්තේ, විදේශයකින් ලැබුණු දුරකථන ඇමතුමකට අනුව, මත්ද්‍රව්‍ය භාවිතා කරමින් සිටියදී කොළඹට ගොස් යම් ලියවිල්ලකට අත්සන් කළ බවත්, තමා සතුව ලොරි රථයක් නොමැති බවත්ය.

සැකකරු ඊයේ (22) දහවල් තංගල්ල පොලීසිය වෙත භාර දීමට නියමිතව තිබුණි. මේ සම්බන්ධයෙන් ඇල්පිටිය පොලීසිය වැඩිදුර පරීක්ෂණ පවත්වයි. 

විදුලිබල මණ්ඩල සේවකයින්ගේ නිවාඩු වහාම අවලංගු කෙරේ

ආරක්ෂක ඇමතිගෙන් ඇග හිරි වැටෙන ප්‍රකාශයක් - දකුණේ දේශපාලකයන් ගැන ආන්දෝලනාත්මක හෙළිදරව්වක්