තාත්තගේ මූණ බලලා ආයේත් ‍රටයි තාත්තවයි දෙන්නම දිනවන්න යන දුනිත් කියපු සංවේදී වචන ටික [VIDEO]

තම පියාගේ එකම ආශාව වී තිබුණේ තමන් දක්ෂ ක්‍රීඩකයෙක් වී ශ්‍රී ලංකාව නියෝජනය කිරීම බවත්, එම ආශාව නිසැක වශයෙන්ම ඉෂ්ට කරන බවත් යොවුන් ක්‍රිකට් ක්‍රීඩක දුනිත් වෙල්ලාලගේ ප්‍රකාශ කරයි.

ඒ අනුව තම ආදරණීය පියාගේ හදිසි වියෝව නිසා ආසියානු කුසලානය අතරතුර දී මෙරටට පැමිණි දුනිත් වෙල්ලාලගේ ශ්‍රී ලංකා කණ්ඩායම සමගින් එක්වීමට අද (20) දින අලුයම මෙරටින් පිටත්ව යාමට පෙර මේ බව සඳහන් කර තිබෙනවා.

දුනිත් වෙල්ලාලගේ හෙට ශ්‍රී ලංකා කණ්ඩායම සමග එක්වෙයි

එහිදී මාධ්‍යට අදහස් දැක්වූ ඔහු සඳහන් කළේ,

"පොඩිකාලයේ ඉදන්ම තාත්තගෙන් ලොකු සහයෝගයක් ලැබුණා. එයාගේ එකම ආසාව මම හොඳ ක්‍රීඩකයෙක් වෙලා රට වෙනුවෙන් ක්‍රීඩාකරන එක. ඒ ආශාව මම අනිවාර්යයෙන් ඉෂ්ට කරනවා. ආසියානු කුසලානයේ අපට තව තරග තියෙනවා. මම මගේ කණ්ඩායමට 100%ක් ලබාදෙන්න බලාපොරොත්තු වෙනවා. සනත් සර් වගේම නායක චරිත් අයියා ඇතුළු කණ්ඩායම මෙන්ම ලංකාවේ ඉන්න සියලු දෙනාගෙන්ම මට ලොකු සහයෝගයක් ලැබුණා. ඒක මට ලොකු හයියක්. ඒ නිසා ස්තූතිවන්ත වෙනවා මේ වගේ තත්ත්වයක ඉන්න මට හයියක් වූ එක ගැන. පොඩි කාලයේ ඉදන් මගේ ක්‍රිකට් වෙනුවෙන් තාත්තා උදේ ඉදන් රෑ වෙනකම් මගේ පස්සෙන්ම හිටියා. ඒ කැපකිරීම නිසා තමයි මම අද රට නියෝජනය කරන්නේ. තාත්තාගේ ආශාවල් මම දන්නවා. එයා වෙනුවෙන් ඒ සියල්ල ඉෂ්ට කරන්න බලාපොරොත්තු වෙනවා"යනුවෙන්.  

දුනිත් වෙල්ලාලගේගේ පෞද්ගලිකත්වයට ගරු කරන ලෙස මහේල මාධ්‍යයෙන් ඉල්ලයි

පහත වීඩියෝ දර්ශන දෙරණ මාධ්‍ය ජාලයෙන් උපුටා දක්වා ඇත.

"මම පියෙක් වගේ ඔයා වෙනුවෙන් ඉන්නවා" - පියාගේ අභාවයෙන් පසු ජයසූරිය දුනිත්ට කියූ දේ