ලංකා මෙට්‍රෝ ට්‍රාන්සිට් සමාගමෙන් පොදු ප්‍රවාහනයට නව පණක් - කඩවත මෙහෙයුම් ආරම්භයි

ශ්‍රී ලංකාවේ දෙවන මෙට්‍රෝ බස් ඩිපෝව කඩවත ප්‍රදේශයේ ඉදිකර අද (07) සිට මෙහෙයුම් ආරම්භ කර තිබේ. ශ්‍රී ලංකාවේ පොදු ප්‍රවාහන සේවය නවීකරණය කිරීමේ අරමුණින් පිහිටුවා ඇති ලංකා මෙට්‍රෝ ට්‍රාන්සිට් (පෞද්ගලික) සමාගමේ කළමනාකාරිත්වය යටතේ මෙම ඩිපෝව ක්‍රියාත්මක වේ.

ප්‍රවාහන, මහාමාර්ග සහ නාගරික සංවර්ධන අමාත්‍යාංශය සඳහන් කළේ, කඩවත ඩිපෝව බස්නාහිර පළාත තුළ මෙට්‍රෝ බස් සේවා තවදුරටත් පුළුල් කිරීමේ පුළුල් වැඩපිළිවෙළක කොටසක් බවයි.

මීට අමතරව, රත්මලාන ප්‍රදේශයේ නව ධාවන අංගන ඉදිකිරීමටත්, තලංගම සහ හෝමාගම ප්‍රදේශවල මධ්‍යම වැඩපොළවල් ස්ථාපිත කිරීමටත් සැලසුම් කර තිබේ.

මෙම ඩිපෝ පද්ධතිය හරහා මෙට්‍රෝ බස් රථ මෙහෙයුම් වඩාත් කාර්යක්ෂම හා විධිමත් කිරීමට අපේක්ෂා කරන බව අමාත්‍යාංශය පවසයි. මේ අතර, පසුගිය මාස කිහිපය තුළ නව මෙට්‍රෝ බස් රථ 104ක් දැනටමත් මෙට්‍රෝ බස් ඇණියට එක් කර තිබේ.

උසස් පෙළ විභාගය ඊයේ අවසන්- ප්‍රතිඵල සහ ප්‍රායෝගික විභාග ගැන විභාග දෙපාර්තමේන්තුවෙන් නිවේදනයක්

සුළු මොහොතකට පෙර අම්පිටියේ සුමනරතන හිමි අත්අඩංගුවට