අණ නොතකා ධාවනය කළ යතුරුපැදියේ ගැටී පොලිස් සැරයන්වරයෙක් මරුට

අලුත්ගම–මතුගම මාර්ගයේ ලබුවැල්ගොඩ ප්‍රදේශයේදී සිදු වූ මාරක අනතුරකින් පොලිස් සැරයන්වරයෙකු මියගොස් ඇති බව වාර්තා වේ.

මෙම අනතුරෙන් මියගොස් ඇත්තේ වැලිපැන්න පොලිස් ස්ථානයට අනුයුක්ත රාජකාරි කළ අහුංගල්ල ප්‍රදේශයේ 54 හැවිරිදි පොලිස් සැරයන්වරයෙකි.

මෙම අනතුර ඊයේ (15) රාත්‍රීයේ, ලබුවැල්ගොඩ හන්දිය අසල, පොලිස් නිලධාරීන් රථවාහන පරීක්ෂා කිරීමේ රාජකාරිය නිරතව සිටියදී සිදු වී ඇති බවට වාර්තා වේ.

දයාසිරිගෙන් ලිපියක් - පක්ෂයේ ව්‍යවස්ථාව උල්ලංඝනය කර ඇති බවට චෝදනාවක්

පොලිසිය පවසන්නේ, අලුත්ගම දෙස සිට මතුගම දෙසට අධික වේගයෙන් ධාවනය වූ යතුරුපැදියක් නවත්වන ලෙස සංඥා කළද, යතුරුපැදිකරු නොනවත්වා පොලිස් නිලධාරියෙකුගේ ගැටී ධාවනය කෙරූ බවයි.

අනතුරින් බරපතල තුවාල ලැබූ පොලිස් නිලධාරියා දර්ගා නගරය රෝහලට ඇතුළත් කිරීමේදී මියගොස් ඇත. යතුරුපැදිකරු ද තුවාල ලබා ඇති අතර, මේ වන විට ඔහු නාගොඩ රෝහලේ ප්‍රතිකාර ලබමින් සිටියි.

උසස් පෙළ විභාගය ගැන දැනුම් දීමක්