ඉරානෙන් විදේශ ඇමතිගෙන් මෙරට විදේශ ඇමති විජිතට Thank You Call එකක්

ඇමරිකා එක්සත් ජනපදය සහ ඊශ්‍රායලය සම්බන්ධ මෑතකාලීන හමුදාමය උත්සන්නවීම්වලින් අනතුරුව කලාපීය වර්ධනයන් පිළිබඳව සාකච්ඡා කිරීම සඳහා ඉරාන විදේශ කටයුතු අමාත්‍ය සෙයිඩ් අබ්බාස් අරග්චි මහතා, ඉන්දීය සහ ශ්‍රී ලංකා විදේශ කටයුතු අමාත්‍යවරුන් සමග වෙන වෙනම දුරකථන සංවාද පවත්වා තිබේ.

ඉන්දීය විදේශ කටයුතු අමාත්‍ය සුබ්‍රමනියම් ජයශංකර් සහ ශ්‍රී ලංකා විදේශ කටයුතු අමාත්‍ය විජිත හේරත් යන මහත්වරුන් සමග පැවැති මෙම සාකච්ඡාවලදී, ඇමරිකාව සහ ඊශ්‍රායලය විසින් සිය රටට එරෙහිව එල්ල කළ බවට ඉරානය චෝදනා කරන හමුදාමය ආක්‍රමණයෙන් පසු උද්ගතව ඇති තත්ත්වය සම්බන්ධයෙන් අරග්චි අමාත්‍යවරයා කරුණු පැහැදිලි කර ඇත. එහිදී ඉරානයට එල්ල වූ මෑතකාලීන ප්‍රහාරයන් දැඩි ලෙස හෙළා දුටු ඉරාන විදේශ කටයුතු අමාත්‍යවරයා, ඇමරිකා එක්සත් ජනපදයේ සහ ඊශ්‍රායලයේ ක්‍රියාමාර්ග දැඩි ලෙස හෙළා දකින ලෙස ලෝකයේ සෙසු රජයන්ගෙන් සහ එක්සත් ජාතීන්ගේ සංවිධානයෙන් ඉල්ලා සිටියේය.

තෙවන ඉරාන යුද නෞකාවට ඉන්දියාවේ රැකවරණය

කිසිදු පූර්ව අනතුරු ඇඟවීමකින් තොරව ඉරාන වෙරළ තීරයේ සිට සැතපුම් 2,000කට ආසන්න දුරින් ජාත්‍යන්තර මුහුදේදී එරටට අයත් 'අයිරිස් දෙනා' (IRIS Dena) නාවික යාත්‍රාව ඉලක්ක කර ගනිමින් එල්ල වූ ප්‍රහාරය සම්බන්ධයෙන් ද ඔහු සිය දැඩි කනස්සල්ල පළ කළේය. අදාළ ගෝලීය ආයතන හරහා නීතිමය සහ ජාත්‍යන්තර මාර්ග ඔස්සේ මෙම ප්‍රහාරයට එරෙහිව කටයුතු කිරීමට ඉරානය අපේක්ෂා කරන බව ද අරග්චි මහතා මෙහිදී ප්‍රකාශ කළේය.

මේ අතර, ශ්‍රී ලංකා විදේශ කටයුතු අමාත්‍ය විජිත හේරත් මහතා සමග පැවැති සංවාදයේදී, ප්‍රහාරයට ලක්වූ 'අයිරිස් දෙනා' නෞකාවේ සිටි නාවිකයින් බේරා ගැනීමේ මෙහෙයුම සඳහා ශ්‍රී ලංකාව ලබා දුන් සහයෝගය සම්බන්ධයෙන් ඉරාන අමාත්‍යවරයා සිය කෘතඥතාව පළ කර තිබේ. මෙම සතිය මුලදී ශ්‍රී ලංකාවේ දකුණු මුහුදු තීරයේදී ආපදාවට ලක්වූ ඉරාන යාත්‍රාවට සහාය වීම සඳහා ශ්‍රී ලංකාව සිය නාවික සම්පත් යෙදවූ අතර, එහිදී බේරාගත් නාවිකයින් කිහිප දෙනෙකුට ප්‍රතිකාර කිරීම සඳහා ගොඩබිමට රැගෙන එන ලදී. දෙරට අතර රාජ්‍ය තාන්ත්‍රික සබඳතා සහ උපදේශනයන් අඛණ්ඩව පවත්වාගෙන යාමේ වැදගත්කම ද මෙම සාකක්ඡාවලදී දෙපාර්ශ්වය විසින්ම අවධාරණය කර ඇත.

ශ්‍රී ලංකාව අධි අවදානම් ගමනාන්තය බව වාර්තා ගැන ඕස්ට්‍රේලියාවෙන් හදිසි නිවේදනයක්

ධවල මන්දිරයේ වටකරගෙන.. ට්‍රම්ප්ට දෙවියන්ගෙම පිහිටයි