ඉන්දියාවෙන් ශ්‍රී ලංකාවට තවත් වියළි සළාක තොගයක්

 ‘දිට්වා’ සුළි කුණාටුවෙන් විපතට පත් ජනතාවට සහන සැලසීමේ දී ඉන්දියාවෙන් මෙරටට තවත් විශාල වියළි ආහාර සහ ඖෂධ තොගයක් ආනයනය කර ඇත.

ජනාධිපති මාධ්‍ය අංශය සඳහන් කළේ, ඉන්දීය ගුවන් හමුදාවට අයත් C-17 ගුවන් යානයක් මඟින් මෙම ද්‍රව්‍යාධාර මෙරටට රැගෙනවිත් ඇති බවයි.

මෙම තොගයේ වියළි ආහාර ටොන් 15ක් සහ ඖෂධ ටොන් 10ක් ඇතුළත් වන බව සඳහන්. එමෙන්ම, ඉන්දියානු වෙරළාරක්ෂක නෞකාවක වන ශෝර්යා හරහා ඊයේ (15) දිනට මෙරටට තවත් ටොන් 50 ක වියළි ආහාර තොගයක් රැගෙන ආවේය.

මේ පැති තවත් අවදානම් - නායයෑම් අනතුරු ඉදිරියටත්

මෙම ආහාර තොගය නිල වශයෙන් ඉන්දියානු නියෝජ්‍ය මහකොමසාරිස් ආචාර්ය සත්‍යන්ජල් පාණ්ඩේ මහතා විසින් වරාය සහ සිවිල් ගුවන් සේවා නියෝජ්‍ය අමාත්‍ය ජනිත රුවන් කොඩිතුවක්කු මහතා වෙත භාරදී ඇත.

එම අතර, සාගර් බන්ධු මෙහෙයුම යටතේ මෙරට පැමිණි ඉන්දියන් වෛද්‍ය කණ්ඩායම ශ්‍රී ලංකාවේ මානුෂීය මෙහෙයුම සාර්ථකව අවසන් කර, පසුගියදා (14) දිනයේදී යළි ඉන්දියාවට පිටත්ව ගියේය.

විපතට පත් ජනතාවට සහාය වීමේදී මෙම කණ්ඩායම දක්වූ කැපවීම සහ වෘත්තීමය දායකත්වය ශ්‍රී ලංකා රජය විසින් විශේෂයෙන් අගයන ලදී. මෙය සහන සැපයීමේ අරමුණෙන් ඉන්දියාව සහ ශ්‍රී ලංකා රජය එක්ව ක්‍රියාත්මක කරන විශේෂ වැඩපිළිවෙලක් ලෙස සැලකිය හැක.

ඇවෙන්රා බත්වල පණුවෝ හිටිය කියන එක ඇත්ත, හෝටල් පාලනාධිකාරිය නෑ කියයි - නුවන්ගි නැවත ශපථ කරයි