පොලිස්පතිවරයා ගෙන් සියලු ස්ථානාධිපතිවරුන්ට නිවේදනයක්...

රට තුළ මහජන සාමය පවත්වාගෙන යාම යම් අවදානම් සහගත තත්ත්වයකට පත්ව ඇති හෙයින් මෙම වකවානුවේදී සිය නිල ජංගම දුරකතනය පැය 24 පුරා සෑම අවස්ථාවකදී ම සක්‍රිය කරගෙන සිටිය යුතු බවට ජ්‍යෙෂ්ඨ රාජ්‍ය නිවේදිත නිලධාරීන්, පොලිස් ස්ථානාධිපතිවරුන් හා ඇතැම් මූලස්ථාන පොලිස් පරීක්‍ෂකවරුන්ට නියෝග කර තිබෙනවා.

ඒ සිය රාජකාරි දුරකතන ක්‍රියාවිරහිත කර හෝ ශබ්දය නොඇසෙන ලෙස තැබීම හේතුවෙන් එම දුරකතනවලට ගන්නා ඇමතුම් මගහැරී යන බව නිරීක්‍ෂණය වී ඇති හෙයින් පොලිස්පතිවරයා මෙසේ නියෝග නිකුත් කර ඇත්තේ .

එමෙන් ම පැය 24 පුරා ඕනෑ ම අවස්ථාවකදී ලැබෙන දුරකතන ඇමැතුම්වලට අදාළ නිලධාරීන් පිළිතුරු සැපයිය යුතු බවද පොලිස්පතිවරයා සියලු ම ස්ථානාධිපතිවරුන්ට හා රාජ්‍ය නිවේදිත නිලධාරීන්ට දැනුම් දී තිබේ.

සියලු ම ජ්‍යෙෂ්ඨ රාජ්‍ය නිවේදිත නිලධාරීන්, මූලස්ථාන පොලිස් පරීක්‍ෂකවරුන් හා ස්ථානාධිපතිවරුන් ඇතුළු අංශ භාර නිලධාරීන් වෙත පොලිස් දෙපාර්තමේන්තුව විසින් මේ වනවිටත් නිල දුරකතන සිම්පත් නිකුත් කර තිබෙනවා.