''තවත් සහන කාල දෙන්නේ නැහැ" - අධිවේගී මාර්ගයේ ආසන පටි නොපළඳින රියදුරන්ට සහ මගීන්ට හෙට සිට තදින්ම නීතිය

අධිවේගී මාර්ගයේ ධාවනය කරන රථ වාහනවල ආසන පටි පැළඳීම අනිවාර්ය කිරීමේ නීතිය හෙට (19) සිට දැඩිව ක්‍රියාත්මක කරන බව පොලීසිය සදහන් කර තිබේ රථවාහන පාලන හා මාර්ග ආරක්ෂක කොට්ඨාසයේ අධ්‍යක්ෂ, ජ්‍යෙෂ්ඨ පොලිස් අධිකාරී මනෝජ් රණගල මහතා සඳහන් කළේ ඒ සඳහා ලබාදී තිබූ වසරක පමණ සහන කාලය අදින් අවසන් වන බැවින්, හෙට සිට ආසන පටි නොපැළඳ අධිවේගී මාර්ගයේ ගමන් කරන රියදුරන් සහ මගීන් සම්බන්ධයෙන් නීතිමය ක්‍රියාමාර්ග ගන්නා බවයි.

 ඔහු සදහන් කළේ ඒ අනුව ආසන පටි නොමැති රථ වාහන අධිවේගී මාර්ගයට ඇතුළු කිරීමටද හෙට සිට අවසර ලබා නොදෙන බවයි අධිවේගී මාර්ගයේ ගමන් කරන සියලුම රථ වාහනවල ඉදිරිපස මෙන්ම පසුපස ආසනවල ගමන් කරන සියලුම මගීන් ද ආසන පටි පැළඳිය යුතු බව පොලීසිය අවධාරණය කර තිබේ .

ජ්‍යෙෂ්ඨ පොලිස් අධිකාරී මනෝජ් රණගල මහතා පෙන්වා දෙන්නේ ආසන පටි නොපැළඳීම හේතුවෙන් රිය අනතුරු හා අනතුරුවලින් සිදුවන අවදානම් ඉහළ යන බැවින් මෙම නීතිය දැඩිව ක්‍රියාත්මක කරන බවය.

“දිය ඇල්ල ළඟ දරුවෙකු වඩාගෙන සිටියදී දැවැන්ත සර්පයෙක් උරහිසට වැටෙයි'' - අම්බෝලි දිය ඇල්ලේ සංචාරකයාගේ කැමරාවේ සටහන් වූ බියකරු දසුන

මෙම නීතිය ක්‍රියාත්මක කරන්නේ දඩ හෝ නීතිමය ක්‍රියාමාර්ග ගැනීම පමණක් අරමුණු කරගෙන නොව, රියදුරන්ගේ සහ මගීන්ගේ ජීවිත ආරක්ෂා කිරීම සඳහා බවද ඔහු සඳහන් කළේය.

තවද විශේෂයෙන් රථයක පසුපස ආසනවල ගමන් කරන මගීන්ද අනිවාර්යයෙන්ම ආසන පටි පැළඳිය යුතු බවත්, ආසන පටි නොමැති වාහනවලින් අධිවේගී මාර්ගයට ඇතුළු වීමට උත්සාහ නොකරන ලෙසත් පොලීසිය දැනුම් දෙයි.

මේ අතර, ආසන පටි පැළඳීම අනිවාර්ය කිරීමේ නීතිය මීට වසරකට පමණ පෙර හඳුන්වා දුන්නද, ඇතැම් පැරණි වාහනවල නිෂ්පාදකයින් විසින් ආසන පටි සවිකර නොතිබීම හේතුවෙන් එය සම්පූර්ණයෙන් ක්‍රියාත්මක කිරීමට යම් කාලයක් ලබාදීමට සිදුවූ බව මාර්ග ආරක්ෂාව පිළිබඳ ජාතික සභාවේ සභාපති මංජුල කුලරත්න මහතා සදහන් කර තිබේ එම වාහනවල ආසන පටි සවිකර ගැනීම සඳහා අවස්ථා කිහිපයකදී සහන කාල ලබාදී තිබූ අතර, එම අවසන් සහන කාලයද අදින් අවසන් වන බව ඔහු සඳහන් කළේය.

ඒ අනුව හෙට සිට අධිවේගී මාර්ගයේ ගමන් කරන සියලුම රථ වාහනවල රියදුරන් සහ සියලුම මගීන් ආසන පටි පැළඳීම අනිවාර්ය බව මංජුල කුලරත්න මහතා පැවසීය. මේ සම්බන්ධයෙන් අවශ්‍ය නීති ක්‍රියාත්මක කරන ලෙස පොලීසිය දැනුම්වත් කර ඇති බවද ඔහු සඳහන් කළේය.

මාර්ග ආරක්ෂාව පිළිබඳ ජාතික සභාවේ සභාපතිවරයා තවදුරටත් සදහන් කළේ තවදුරටත් සහන කාලය දීර්ඝ කිරීමක් සිදු නොකරන බවත්, ආසන පටි සවිකර ගැනීම සඳහා වසරකට ආසන්න කාලයක් ලබාදී ඇති බැවින් තවත් සහන කාලයක් අවශ්‍ය නොවන බවයි .

ඩයපර්ස් ඇතුළු සනීපාරක්ෂක නිෂ්පාදන සම්බන්ධයෙන් පාරිභෝගිකයන්ට විශේෂ දැනුම්දීමක්