තෙල් ප්‍රශ්න මදිවට පිරවුම්හල්වලත් ප්‍රශ්නයක් - දේශීය බෙදාහරින්නන්ගේ පිරවුම්හල් විදේශීය සමාගම්වලට දීමට යන බවට සැකයක්

සමගි ඒකාබද්ධ වෘත්තිය සමිති සන්ධානයේ මාධ්‍ය ප්‍රකාශක ආනන්ද පාලිත මහතා විසින් රජයේ තෙල් සංස්ථාව විසින් දේශීය ඉන්ධන බෙදාහරින්නන් වෙත ලබාදෙන සියයට 3ක ලාභාංශය කප්පාදු කිරීමට ගෙන ඇති තීරණය පවතින මිල සූත්‍රය උල්ලංඝනය කරමින් බලධාරීන් ගෙන ඇති අත්තනෝමතික පියවරක් බව පවසන බව වාර්තා වේ.

ඒ අනුව දැනට ක්‍රියාත්මක මිල සූත්‍රය කැබිනට් මණ්ඩල අනුමැතිය ලත් සහ අධිකරණය විසින් තහවුරු කරන ලද්දක් වුවද, සංස්ථාව ඊට පටහැණිව කටයුතු කරමින් සිටින බවට ඔහු පෙන්වා දෙන බව වාර්තා වේ.

ශ්‍රී ලංකාවේ ඉන්ධන බෙදාහැරීමේ ක්‍රියාවලිය සියයට සියයක්ම දේශීය ව්‍යාපාරිකයන් සතු පිරවුම්හල් ජාලයක් හරහා සිදුවන බවත්, මෙම ලාභාංශ කප්පාදුව හරහා ඔවුන් දැඩි අසීරුතාවයට පත්වන බවත් ආනන්ද පාලිත මහතා පවසන බව සඳහන්.

විශාල ලෙස ඉන්ධන මිල ඉහළ යාම හමුවේ රටේ ඉන්ධන කෝටාව සහ QR ක්‍රමය ගැන දැනුම්දීමක්

එමෙන්ම එහිදී ඔහු අවධාරණය කර ඇත්තේ විදේශීය සමාගම්වලට තමන්ට රිසි පරිදි මිල තීරණය කිරීමට සහ ඔවුන්ගේ බෙදාහරින්නන්ට සියයට 3ක ලාභාංශය අඛණ්ඩව ගෙවීමට ඉඩ සලසා දී තිබියදී, රජය පමණක් මෙසේ කටයුතු කිරීම අසාධාරණ බවයි.

එමෙන්ම ඔහු විසින් මිල නියාමනයක් නොමැතිව කටයුතු කිරීම හරහා දේශීය බෙදාහරින්නන් පද්ධතියෙන් ඉවත් කිරීමටත්, එම පිරවුම්හල් ද විදේශීය සමාගම් සතු කිරීමටත් රජය සැලසුම් කරන්නේද යන සැකය මතු ක‍රයි.

අද මේ කලාපවල සියලුම පාසල්වලට විශේෂ නිවාඩුවක් - ගුරුවරුන් සහ සිසුන්ට පාසලට කැඳවීමෙන් වළකින්නයි දන්වයි

තවද ඔහු පවසා ඇත්තේ ලාභාංශ අඩු කරන්නේ නම් එය විධිමත් කැබිනට් අනුමැතියකින් සහ ප්‍රසිද්ධියට පත් කිරීමකින් තොරව සිදු කළ නොහැකි බවත්, ස්වාධීන මිල නියාමන කොමිසමක් නොමැති වීම මෙම සියලු ගැටලුවලට ප්‍රධාන හේතුව බවත් ය.

ඒ අනුව මෙම තත්ත්වය මත ඉහළ මිලට ඉන්ධන මිලදී ගැනීමට සිදුවීම මෙන්ම බෙදාහරින්නන්ගේ ලාභය අත්තනෝමතික ලෙස කප්පාදු කිරීම ජනතාවට මෙන්ම දේශීය ව්‍යාපාරවලටද දැඩි අගතියක් බව ඔහුගේ අදහස බව සඳහන්.

මෝසම් වැසි සමඟ කොළඹ තත්ත්වය භයානකයි - තවත් තුරන් කළ රෝගයක් වේගයෙන් පැතිරෙන බවට සෞඛ්‍යයෙන් අනතුරු අඟවයි

වහාම ක්‍රියාත්මක වන පරිදි තැබෑරුම් වසා දමයි - රටම කළඹන හදිසි තීරණයට අත්සන මහ ඇමතිගෙන්