හිටපු ඇමතිගේ බන්ධනාගාර ජීවිත ගැන බන්ධනාගාර දෙපාර්තමේන්තුව කියන කතා

කොළඹ රිමාන්ඩ් බන්ධනාගාරයේ එන් වාට්ටුවේ රක්ෂිත බන්ධනාගාරගත කර සිටින හිටපු අමාත්‍ය රාජිත සේනාරත්න මහතා කිසිදු විශේෂ සහනයක් ඉල්ලා නොමැති බව බන්ධනාගාර දෙපාර්තමේන්තුව පවසයි.

විවිධ චෝදනාවන්ට ලක්ව රක්ෂිත බන්ධනාගාරගත කර සිටින රජයේ ඉහළ නිලධාරීන් සහ පොලිස් නිලධාරීන් කිහිප දෙනෙකු සමඟ රාජිත සේනාරත්න මහතා එන් වාට්ටුවේ රඳවා සිටී. ඔහුගේ වාට්ටුවෙන් පිටතට පැමිණීම සීමා කර ඇත්තේ, එම වාට්ටුවේ සිටින සෙසු රැඳවියන් සමඟ ඔහු වැඩි වේලාවක් කතාබහේ යෙදීම හේතුවෙනි. ඒ අනුව, ඔහු වාට්ටුවෙන් පිටතට පැමිණෙන්නේ අමුත්තන් හමුවීමට සහ නිවසින් ලබාදෙන ආහාර වේල ලබා ගැනීමට පමණි.

ගුරුවරුන්ට පඩියට අමතරව දීමනාව 15000ක වැඩි කිරීමක්? - ලංකා ගුරු සංගමය

බන්ධනාගාර ආරංචි මාර්ගවලට අනුව, රාජිත සේනාරත්න මහතා එන් වාට්ටුවේ බිත්තිවල රැඳවියන් විසින් ලියා ඇති කවි මහත් ආසාවෙන් කියවා ඇත. ඔහු එම කවිවලින් තෝරාගත් ඒවා පිළිබඳ බැලීමට පැමිණෙන අමුත්තන් සහ බන්ධනාගාර නිලධාරීන් සමඟ සාකච්ඡා කරන බවද වාර්තා වේ. එලෙස කවි ලියූ රැඳවියන්ගේ සාහිත්‍ය රසය සහ කලාවට ඇති ලැදියාව පිළිබඳවද ඔහු අදහස් දක්වයි.

හිටපු අමාත්‍යවරයා සිය වාට්ටුව තුළ පුවත්පත් කියවීමට සහ රූපවාහිනිය නැරඹීමට යම් වේලාවක් වෙන් කර ඇත. ඔහු ඉකුත්දා කොළඹ මහේස්ත්‍රාත් අධිකරණයට ඉදිරිපත් කිරීමෙන් පසු සැප්තැම්බර් 09 වනදා දක්වා රක්ෂිත බන්ධනාගාරගත කර ඇත. බන්ධනාගාර ආරංචි මාර්ග සඳහන් කරන්නේ රාජිත සේනාරත්න මහතා සිය වාට්ටුව තුළ සෙසු රැඳවියන් සමඟ සුහදව කාලය ගත කරන බවයි.

ලිට්‍රෝ ගෑස් මිල ගැන දැනුම්දීමක්

ගුරුවරුන්ට පඩියට අමතරව දීමනාව 15000ක වැඩි කිරීමක්? - ලංකා ගුරු සංගමය

රාජ්‍ය සේවයට එන්න ඉන්න හැමෝටම මෙන්න සුබ ආරංචියක්