දලයි ලාමා පළමු ග්‍රැමී සම්මානය දිනා ගනියි

ටිබෙට් අධ්‍යාත්මික නායකයා වන දලයි ලාමා මහත්මිය (වයස 90) පළමු වරට ග්‍රැමී සම්මානයක් දිනා ගැනීමේ ඓතිහාසික අවස්ථාවක් ලබා ඇති බව විදෙස් මාධ්‍ය වාර්තා කර තිබෙනවා.

ඊයේ(01) එක්සත් ජනපදයේ ලොස් ඇන්ජලීස්හි පැවැත්වූ 68වන ග්‍රැමී සම්මාන උළෙලේ පූර්ව උත්සවයේදී (pre-ceremony) ඔහු "Meditations: The Reflections of His Holiness the Dalai Lama" නම් ශ්‍රව්‍ය පොත (audiobook) සඳහා Best Audio Book, Narration, and Storytelling Recording කාණ්ඩයේ සම්මානය දිනා ගත්තා.

මෙම සම්මානය ලබා ගැනීමෙන් දලයි ලාමා ගෞරවනීය සම්මානලාභීන් අතරට එක් වූ අතර, ඔහුගේ නම ස්ටීවන් ස්පීල්බර්ග් වැනි ජයග්‍රාහකයින් සමඟ එකතු වුණා. උත්සවය යූටියුබ් හරහා විකාශය වූ අතර, සම්මානය පිළිගැනීම සඳහා සංගීතඥ රූෆස් වේන්රයිට් (Rufus Wainwright) වේදිකාවට පැමිණියා.

මේ අවුරුද්දෙවත් ගොඩ යන්න ආසද? එහෙනම් මෙන්න මේ සුපිරි ජපන් රහස් ක්‍රම 8 කරලා බලන්න

"හරි, මම දලයි ලාමා නොවේ, පැහැදිලිවම," යනුවෙන් විහිළුවට කතා කළ වේන්රයිට් මෙසේ පැවසුවා:

"මෙම ව්‍යාපෘතියට සහභාගී වීමට ලැබීම වරප්‍රසාදයක්. මෙම කාර්යයේ හදවතේ ඇති ප්‍රඥාව ඇති ශුද්ධෝත්තම දලයි ලාමා වෙනුවෙන් මෙම පිළිගැනීම ලැබීම ගෞරවයක්."

දලයි ලාමා මෙම සම්මානයෙන් පරාජය කළේ ග්‍රැමී උළෙලේ සත්කාරක ට්‍රෙවර් නෝවා (Trevor Noah), මිලි වැනිලිගේ ෆැබ් මෝර්වන් (Fab Morvan), එක්සත් ජනපද ශ්‍රේෂ්ඨාධිකරණ විනිසුරු කෙටන්ජි බ්‍රවුන් ජැක්සන් (Ketanji Brown Jackson) වැනි බලවත් තරඟකරුවන්.

මෙන්න මුහුදු ප්‍රදේශ සඳහා කාලගුණ අනාවැකිය

මෙම ඇල්බමයේ (spoken-word album) දලයි ලාමාගේ සිහිකල්පනාව (mindfulness), සමගිය (compassion), සෞඛ්‍යය (well-being) වැනි තේමාවන් පිළිබඳ අදහස් ඇතුළත් වන අතර, හින්දුස්ථානි සම්භාව්‍ය සංගීත බලපෑම් සහිත සහයෝගීතා ඇතුළත්. රූෆස් වේන්රයිට්, මැගී රොජර්ස් (Maggie Rogers), ඇන්ඩ්‍රා ඩේ (Andra Day) වැනි සංගීතඥයින් මෙහිදී සහභාගී වී තිබෙනවා. එසේම ඉන්දීය සරෝද් වාදක අම්ජද් අලී ඛාන් සහ ඔහුගේ පුත්‍රයන්ද සහයෝගය දක්වා තිබෙන බව වාර්තා වෙනවා.

දලයි ලාමා මෙම ජයග්‍රහණයට ප්‍රතිචාර දක්වමින් X (පෙර Twitter) හරහා ප්‍රකාශ කළේ, ඔහු මෙය තමන්ගේ පුද්ගලික ජයග්‍රහණයක් ලෙස නොව, සියලු දෙනාගේ සාමූහික වගකීම් (universal responsibility) පිළිබඳ පිළිගැනීමක් ලෙස ගෞරවයෙන් හා නිහතමානීව ලබා ගන්නා බවයි.

කොළඹට අද ලොකු කලබලයක් - රජය දැඩි තීරණයක