ශ්‍රී ලංකාව පරදා එංගලන්තයට කඩුලු 05ක ජයක්

ශ්‍රී ලංකා කණ්ඩායම සමඟ පැවැති දෙවන එක්දින ක්‍රිකට් තරගය කඩුලු 05කින් ජයගැනීමට සංචාරක එංගලන්ත කණ්ඩායම අද(24) දින සමත් වුණා.

ඒ අනුව තරගයේ කාසියේ වාසිය දිනා ප්‍රථමයෙන් පන්දුවට පහර දුන් ශ්‍රී ලංකා කණ්ඩායම පන්දුවාර 49.3ක් තුළ සියලු දෙනා දැවී රැස්කරගත් ලකුණු සංඛ්‍යාව 219ක් විය.

එහිදී චරිත් අසලංක ලකුණු 45ක් සහ ධනංජය ද සිල්වා ලකුණු 40ක් රැස් කර ගැනීමට සමත් විය.

එංගලන්තයට ලකුණු 220ක ඉලක්කයක් හිමි වෙයි

එසේම පන්දුයැවීමේදී ජෙමී ඔවර්ටන්, ආදිල් රෂීඩ් සහ ජෝ රූට් කඩුලු දෙක බැගින් දවා ගත් අතර ජයග්‍රහණය සඳහා ලකුණු 220ක ඉලක්කයක් හඹා ගිය එංගලන්ත කණ්ඩායම පන්දුවාර 46.2ක් තුළ කඩුලු 05ක් පමණක් දැවී තරගයේ ජය වාර්තා කළා.

එහිදී ජෝ රූට් ලකුණු 75ක් රැස්කරගැනීමට සමත් විය. එමෙන්ම පන්දුයැවීමේදී ධනංජය ද සිල්වා සහ ජෙෆ්රි වැන්ඩර්සේ කඩුලු දෙක බැගින් දවා ගෙන තිබුණා.

T20 ලෝක කුසලානයෙන් බංග්ලාදේශය එළියට විසි කරපු ICC තීරණය

දෝනි ලෑස්තියි - පිටිය උණුසුම් වෙන්න සියල්ල සූදානම්