ශ්‍රී ලංකා රුපියල තවත් අවප්‍රමාණය වෙයි – ඩොලරය අලුත් ඉහළ සීමාවකට

බදාදා දිනයට සාපේක්ෂව අද ශ්‍රී ලංකාවේ වාණිජ බැංකු වල ඇමරිකානු ඩොලරයට සාපේක්ෂව ශ්‍රී ලංකා රුපියල තවදුරටත් අවප්‍රමාණය වී ඇති අතර, සමහර බැංකුවල විකුණුම් අනුපාතය රුපියල් 330 දක්වා ඉහළ ගොස් තිබේ.

සෙලාන් බැංකුවට අනුව, ඇමරිකානු ඩොලරයේ මිලදී ගැනීමේ සහ විකිණීමේ අනුපාත පිළිවෙලින් රුපියල් 318.25 සිට රුපියල් 321.75 දක්වා සහ රුපියල් 326.50 සිට රුපියල් 330.50 දක්වා ඉහළ ගොස් තිබේ.

NDB බැංකුවේ, ඇමරිකානු ඩොලරයේ මිලදී ගැනීමේ සහ විකිණීමේ අනුපාත පිළිවෙලින් රුපියල් 320.50 සිට රුපියල් 323.25 දක්වා සහ රුපියල් 327 සිට රුපියල් 329.75 දක්වා ඉහළ ගොස් තිබේ.

මහජන බැංකුව වාර්තා කරන්නේ ඇමරිකානු ඩොලරයේ මිලදී ගැනීමේ අනුපාතය රුපියල් 320.27 සිට රුපියල් 323.73 දක්වා ඉහළ ගොස් ඇති අතර විකුණුම් අනුපාතය ද රුපියල් 327.33 සිට රුපියල් 330.87 දක්වා ඉහළ ගොස් ඇති බවයි.

වැස්ස සමඟ නායයෑම් අවදානම වැඩි වෙයි - ප්‍රදේශ කිහිපයකට නායයෑම් අනතුරු ඇඟවීම්

මේ අතර, කොමර්ෂල් බැංකුවේ, ගැනුම් සහ විකුණුම් අනුපාත පිළිවෙලින් රු. 318.76 සිට රු. 321.24 දක්වා සහ රු. 327.25 සිට රු. 329.75 දක්වා ඉහළ ගොස් තිබේ.

සම්පත් බැංකුවේ, ගැනුම් සහ විකුණුම් අනුපාත රු. 320.75 සිට රු. 324.25 දක්වා සහ රු. 327.25 සිට රු. 330.75 දක්වා ඉහළ ගොස් තිබේ.