මහා වැස්සෙන් හලාවත රෝහල යටවෙයි - වාට්ටු 3ක රෝගීන් හදිසියේම වෙනත් තැන්වලට

පවතින අධික වැසි තත්ත්වය හේතුවෙන් හලාවත මහ රෝහලේ වාට්ටු 3ක් ජලයෙන් යටවී ඇති බව වාර්තා වේ.

මෙම තත්ත්වය හේතුවෙන් වාට්ටුවල ප්‍රතිකාර ලබමින් සිටි රෝගීන් ආරක්ෂිත ලෙස වෙනත් වාට්ටු කරා යොමු කිරීමට පියවර ගත් බව රෝහලේ නියෝජ්‍ය අධ්‍යක්ෂ දිනේෂ් කොග්ගල මහතා සඳහන් කළේය.

මේ අතර ඊයේ රාත්‍රියේ සිට ඇද හැළෙන ධාරාණිපාත වර්ෂාව හේතුවෙන් පුත්තලම දිස්ත්‍රික්කයේ මාර්ග රැසක් ජලයෙන් යටවී ඇති අතර, ඇතැම් ස්ථානවලට ගස් කඩා වැටීම්ද වාර්තා වේ.

පුත්තලම - මාදම්පේ - ගලහිටියාව මාර්ගය හරහා ගසක් කඩා වැටීම හේතුවෙන් එම මාර්ගයේ ගමනාගමනය සම්පූර්ණයෙන්ම ඇනහිට ඇති බවද සඳහන් වේ.

මේ හේතුවෙන් අදාළ මාර්ග භාවිත කරන රියදුරන්ට විකල්ප මාර්ග භාවිත කරන ලෙස මාදම්පේ පොලීසිය දැනුම් දී තිබේ.

කැලණි ගඟ අයිනේ ඉන්න අය වහාම සූදානම් වෙන්න - වාරිමාර්ග දෙපාර්තමේන්තුවෙන් නිකුත් වූ හදිසි නිවේදනය

අත්තනගලු ඔය ආශ්‍රිත ජනතාවට හදිසි දැනුම්දිමක් - අත්තනගලු ඔය පිටාර ගැලීමේ ලොකු අවදානමක්

නිරිතදිග මෝසම ලංකාවම ගිලගනී - මෝසම් සුළඟ සමඟ දිවයින හරහා මහ වැසි සහ අකුණු කුණාටු