ගොවියන් රැගෙන ගිය බෝට්ටුවක් පෙරළී 64ක් මියයයි..
Aruna
නයිජීරියාවේ, වයඹදිග සැම්ෆාරා ප්‍රාන්තයේ ගුමිම් නගරයට ආසන්නයේ පිහිටා ඇති ගංගාවේ සිදු වූ බෝට්ටු අනතුරකින් අවම වශයෙන් පුද්ගලයින් 64 දෙනෙකු මිය ගොස් ඇතැයි විදෙස් මාධ්‍ය වාර්තා පවසනවා.
විදෙස් මාධ්‍ය වාර්තා වැඩිදුරටත් තහවුරු කළේ, සිය ගොවිබිම් බලා යමින් සිටි ගොවීන්ගෙන් පිරිසක් මෙලෙස අනතුරකට ලක්ව ඇති බවයි.
දැව‌යෙන් කළ බෝට්ටුවකින් ගොවියන් 70 දෙනෙකු ගඟ තරණය කරමින් සිටියදී, එය පෙරළී ඇති බවයි පැවසෙන්නේ.
පැය තුනක කාලයක් පුරා සිදු වූ මුදාගැනීමේ මෙහෙයුමකින් අනතුරුව පුද්ගලයින් හය දෙනෙකු බේරාගැනීමට හැකි වූ බව විදෙස් මාධ්‍ය වාර්තා ප්‍රකාශ කරයි.
ගුම්මි ප්‍රාදේශීය ආණ්ඩුව සඳහන් කළේ, මෙම ගඟෙහි සිදු වූ දෙවන අනතුර මෙය වන බවයි.
දෛනිකව ගොවින් 900කට ආසන්න ප්‍රමාණයක් මෙම ගංගාව තරණය කරන අතර, ඒ සඳහා ඇති බෝට්ටු සංඛ්‍යාව දෙකක් පමණක් වීම විශේෂත්වයක්.
කෙසේ වෙතත් විදෙස් මාධ්‍යවල වැඩිදුරටත් සඳහන් වන්නේ, මෙම පුද්ගලයින් සොයා තවදුරටත් මෙහෙයුම් ක්‍රියාත්මක බවයි.
