මේක ලංකා ඉතිහාසයේ හොඳම අයවැය කියලා අහගන්න පුළුවන් අපිට විශ්වාසයි - සමන්ත

වැවිලි සහ ප්‍රජා යටිතල පහසුකම් අමාත්‍ය සමන්ත විද්‍යාරත්න මහතා විසින් ලංකා ඉතිහාසයේ හොඳම ජනතාවාදී අයවැය මෙවර ජනාධිපති අනුර කුමාර දිසානායක මහතා විසින් ඉදිරිපත් කරනු ඇති බව ප්‍රකාශ කරයි.

ඒ අනුව ඔහු සඳහන් කළේ,

අද මේ වෙලාවට අයවැය පාර්ලිමේන්තුවට

"අයවැය දැන්ම කියන්නෙ නෑ. අයවැය රහස් කියන්නෙ මුදල් ඇමතිතුමා. ඒ හින්දා ජනාධිපතිතුමා ලහිලහියේ සූදානම් වෙලා තියෙන්නෙ. වෙනදා වගේ නෙවෙයි, ජනතාවාදී අයවැයක් කරන්න බිම්මට්ටමේ යෝජනා කල් ඇතිව ගත්තා. ඒ යෝජනා ඔක්කොම අරගෙන ගිය අවුරුද්දට වඩා සරුසාර අයවැයක් 2026ට අනිවාර්යයෙන්ම ඉදිරිපත් වෙනවා. 2025 මේ ගතවෙන අවුරුද්දෙත් අපි සුවිශාල වැඩ කොටසක් කළා. එයිට වඩා පිම්මක් අනිවාර්යයෙන්ම අපි 2026 පනිනවා. මේ අයවැය අපි සූදානම් කරලා තියෙන්නෙ, බිම්මට්ටමේ ජනතාවට සහන සලසන්න ඕනෙ, ගම්බිම්වල පාරවල් ටික හදන්න ඕනෙ, නිවාස හදලා දෙන්න ඕනෙ. ඒ වගේම ස්වයං රැකියා ආධාර, කර්මාන්තවලට විශාල අනුග්‍රහයක් දෙන්න බලාපොරොත්තු වෙනවා. ඒ වගේම සංචාරක ව්‍යාපාර ප්‍රවර්ධනයට අපි අතහිත දෙන්න අපි බලාපොරොත්තු වෙනවා. අපි රජය හැටියට තීන්දුවක් අරන් තියෙනවා අනිවාර්යයෙන්ම වතු කම්කරු ජනතාවගේ වැටුප් වැඩිකරන්න ඕනෙ. කොහොමටත් ලංකා ඉතිහාසයේ හොඳම ජනතාවාදී අයවැය අහගන්න පුළුවන් කියලා අපි විශ්වාස කරනවා." යනුවෙන්.

අමාත්‍යවරයා මේ බව සඳහන් කළේ ඊයේ (06) පූනාගල – බණ්ඩාරවෙල මාර්ගය කාපට් යොදා සංවර්ධනය කිරීමේ ව්‍යාපෘතිය ආරම්භ කිරීමේ උත්සවයට සම්බන්ධ වූ අවස්ථාවේදීයි.

මාලිමාව අයවැය පරදී

දිවයිනේ සියලුම පාසල් සඳහා විශේෂ දැනුම්දීමක්