ලක්ෂ 3ක පිරිසක් මිය යයි ද? - ජපානයේ ප්‍රබල භූමිකම්පාවක් - සුනාමි අනතුරු ඇඟවීමක් නිකුත් කෙරේ

ජපානයේ ඊසානදිග ප්‍රදේශයට අද (12) පෙරවරුවේ රික්ටර් මාපකයේ 6.7ක ප්‍රබල භූමිකම්පාවක් ඇති වූ අතර, එමඟින් ජපාන කාලගුණ විද්‍යා ඒජන්සිය (JMA) විසින් මීටර් 1 ක් දක්වා උස රළ සඳහා සුනාමි අනතුරු ඇඟවීමක් නිකුත් කර ඇත.

අමෝරි ප්‍රාන්තයේ වෙරළට ඔබ්බෙන්, එරට වේලාවෙන් පෙ.ව. 11:44 පමණ කිලෝමීටර 20ක් (සැතපුම් 12) ගැඹුරකින් මෙම භූමිකම්පාව ඇතිවී ඇති බව ජපාන කාලගුණ විද්‍යා ඒජන්සිය සඳහන් කරයි.

සුනාමි අනතුරු ඇඟවීම් නිකුත් කර ඇති ඒජන්සිය දන්වා ඇත්තේ, මෙම භූමිකම්පාව හේතුවෙන් මුහුදු රළ මීටර් 1කට (අඟල් 39) දක්වා ඉහළ යා හැකි බවයි.

ලක්ෂ 3ක පිරිසක් මිය යයි.. - ජපානය පළමු මෙගා භූමිකම්පා අනතුරු ඇඟවීම ගැන අනාවැකියක්

පසුගිය සඳුදා (අප්‍රේල් 10) ද එම කලාපයේ රික්ටර් 7.5ක ප්‍රබල භූමිකම්පාවක් ඇතිවූ අතර, එම සිදුවීමෙන් පසු උතුරු හොක්කයිඩෝ සිට ටෝකියෝවේ නැගෙනහිරින් චිබා දක්වා ප්‍රදේශයන්හි යළිත් ප්‍රබල භූමිකම්පාවක් ඇතිවිය හැකි බැවින් අවධානයෙන් සිටින ලෙස රජය විශේෂ දැනුම්දීම් නිකුත් කර තිබුණි.

මෙම භූමිකම්පාවෙන් තුවාල ලැබූ හෝ විශාල හානි සිදුවූ බවට වහාම වාර්තා වී නැති අතර, ප්‍රදේශවාසීන්ට අවදානම් ප්‍රදේශවලින් ඈත්වීමට උපදෙස් දී ඇති බව වාර්තා වේ.

ජපානය භූමිකම්පා සහ සුනාමි අවදානම් බහුල ප්‍රදේශයක් වන අතර, මෙම සිදුවීම් දිගුකාලීනව අඛණ්ඩව සිදුවීම සමග ජනතාවට සූදානම්ව සිටීමට රජය දැඩි අවධානය යොමු කර ඇත.

ආපදාව ගැන දැනගත්තම රජය උපරිම ක්‍රියාමාර්ග ගත්තා - ජලාශ ඇරීම - වැසීම අපේ වැඩක් නෙමෙයි - මාලිමා මන්ත‍්‍රී සුනිල්ට මල පනී