ශ්‍රී ලංකාවට 20යි 20 ලෝක කුසලානයක් පිනට කඩා පාත්වෙන්න යයි..හදිසියේ සිදු වූ දේ.
Aruna
බංග්ලාදේශයේ ඇති වී තිබෙන ගැටලුකාරී තත්ත්වය හේතුවෙන් මෙම වසරේ ඔක්තෝබර් මසදී එහි පැවැත්වීමට නියමිත කාන්තා පන්දුවාර 20 ලෝක කුසලාන තරගාවලිය වෙනත් රටක පැවැත්වීමට වැඩි ඉඩක් තිබුණත්, තරගාවලිය ඉන්දියාවට ගෙන නොඑන බවට ආසියානු ක්‍රිකට් කවුන්සිලයේ සභාපත් ජේ ශා ඉන්දීය මාධ්‍ය වෙත ඊයේ (15 වැනිදා) සඳහන් කර තිබුණි.
2025 කාන්තා ලෝක කුසලානයත් ඉන්දියාවේ පැවැත්වීමට සැලසුම් වී ඇති පසුබිමක මෙම ලෝක කුසලානයත් ඉන්දියාවේ පැවැත්වීමේ කිසිඳු අවශ්‍යතාවයක් නොමැති බව ඔහු සඳහන් කර ඇත.
බංග්ලාදේශයේ පවතින ගැටලුකාරී තත්ත්වය හේතුවෙන් ජාත්‍යන්තර ක්‍රිකට් කවුන්සිලය විසින් 2024 ලෝක කුසලානය ඉන්දියාවේ පැවැත්වීම පිළිබඳව තමන්ගෙන් කරුණු විමසීමක් කළ බවටද ජේ ශා මෙහිදී සඳහන් කර තිබුණි.
තරගාවලිය පැවැත්වෙන ස්ථානය තවමත් නිල වශයෙන් නිවේදනය කර නොමැති අතර සත්කාරකත්වය හිමි කරගත් බංග්ලාදේශයේ තත්ත්වය පිළිබඳව 'අයි.සී.සීය' සමීපව නිරීක්ෂණය කරන බවද ජේ ශා ප්‍රකාශ කර තිබුණි.
තරගාවලිය පැවැත්වීම සඳහා විකල්ප රටවල් වශයෙන් එක්සත් අරාබි එමීර් රාජ්‍යය සහ ශ්‍රී ලංකාව පිළිබඳව සලකා බැලෙන බවටද විදෙස් මාධ්‍ය සඳහන් කර ඇත.
