තාවකාලිකව වසා දැමුණු යාල අද සිට විවෘතයි

තාවකාලිකව සංචාරකයින්ට වසා දැමුණු යාල ජාතික උද්‍යානයේ සීමිත මාර්ග ප්‍රමාණයක් අද (05) සිට විවෘත කිරීමට පියවර ගන්නා බව වනජීවි සංරක්ෂණ දෙපාර්තමේන්තුව නිවේදනය කරයි.

එහි ප්‍රකාශයෙකු සඳහන් කළේ අද පස්වරු 2.00 සිට එම මාර්ග නැවත සංචාරකයන්ට විවෘත කෙරෙන බවය.

පසුගිය දිනවල ඇදහැළුණු අධික වර්ෂාව හේතුවෙන් යාල ජාතික උද්‍යානයේ මාර්ග පද්ධතියට සිදුවන හානිය අවම කර ගැනීම සහ එමඟින් එහි පරිසරය පද්ධතියට වන බලපෑම අවම කර ගැනීම සඳහා යාල වනෝද්‍යානය මාර්තු 01 දින සිට තාවකාලිකය වසා දැමීමට පියවර ගත්තේය.

පාසල් දරුවන්ට දුන් බත් පතේ පනුවෝ

කෙසේවෙතත් වර්ෂාව හේතුවෙන් අබලන් තත්ත්වයට පත්වීමට හැකියාව ඇති මාර්ග තවදුරටත් සංචාරකයන්ට වසා තැබෙන ඇත.

අද උදෑසන කාලයේ යාල ජාතික උද්‍යානයට ලැබෙන වර්ෂා පතනය අනුව මේ තත්ත්වයයේ යම් වෙනසක් සිදුවිය හැකි බව වනජීවි සංරක්ෂණ දෙපාර්තමේන්තුව පැවසීය.