ශ්‍රී ලංකා - එංගලන්ත අද සටනේ ජය කාටද? - ගඩාෆි පිටියේ දත්ත හෙළි කරන අනාවැකිය

ශ්‍රී ලංකාව සහ එංගලන්තය අතර පාකිස්තානයේ පැවැත්වෙන එක්දින ක්‍රිකට් තුන්කොන් තරගාවලියේ හයවැනි තරගය අද (29) බ්‍රහස්පතින්දා ලාහෝර්හි ගඩාෆි ක්‍රීඩාංගණයේදී පැවැත්වීමට නියමිතය.

හැරී බෘක්ගේ නායකත්වයෙන් යුත් එංගලන්ත කණ්ඩායම තරගාවලියේ මෙතෙක් සහභාගී වූ තරග තුනම පරාජයට පත්ව ඇති අතර, ශ්‍රී ලංකා කණ්ඩායම අවසන් මහා තරගයට සුදුසුකම් ලබාගෙන තිබේ.

ඒ අනුව, එංගලන්තයට මෙම තරගය වැදගත් වන්නේ පාකිස්තානයේදී අඛණ්ඩව ලැබූ පරාජයන් මාලාව අවසන් කර ගැනීම සඳහාය.

අවසන් මහා තරගයට සූදානම් වන ශ්‍රී ලංකා කණ්ඩායමට ද ජයග්‍රාහී මානසිකත්වය තවදුරටත් පවත්වා ගැනීමට මෙය අවස්ථාවකි.

ශ්‍රී ලංකා කණ්ඩායමේ සිදුවිය හැකි වෙනස්කම් පාකිස්තානයට එරෙහිව පසුගියදා පැවති තරගයේදී දිල්ෂාන් මධුශංකගේ විශිෂ්ට පන්දු යැවීම හමුවේ පාකිස්තාන කණ්ඩායම ලකුණු 110කට සීමා විය.

“පවන්ගේ පිත්ත බාබර් අසාම් අතට ගෙන පරීක්ෂා කරයි” - එදා සනත්ගේ පිත්ත ගංගුලි අතට ගත් හැටිත් යළි මතක් වෙයි!

අනතුරුව ශ්‍රී ලංකාව කඩුලු අටක ජයක් වාර්තා කළේය. අවසන් මහා තරගයට සුදුසුකම් ලබා සිටින බැවින්, එංගලන්තයට එරෙහි තරගයේදී කණ්ඩායමේ වෙනස්කම් කිහිපයක් සිදු කළ හැකි බව ශ්‍රී ලංකා නායක කුසල් මෙන්ඩිස් ඉඟි කර තිබේ.

ශ්‍රී ලංකා කණ්ඩායමේ අපේක්ෂිත සංයුතිය (වෙනස් විය හැකිය) - කමිඳු මෙන්ඩිස් - අවිශ්ක ප්‍රනාන්දු - කුසල් මෙන්ඩිස් (නායක සහ කඩුලු රකින්නා) - පවන් රත්නායක - සහන් ආරච්චිගේ - ජනිත් ලියනගේ - දසුන් ශානක - මහීෂ් තීක්ෂණ - දුෂ්මන්ත චමීර - එෂාන් මාලිංග

එංගලන්ත කණ්ඩායමේ අපේක්ෂිත සංයුතිය (වෙනස් විය හැකිය) - ටොම් බැන්ටන් - බෙන් ඩකට් - ජෝ රූට් - හැරී බෘක් (නායක) - ජෝර්ඩන් කොක්ස් (කඩුලු රකින්නා) - විල් ජැක්ස් - සෑම් කරන් හෝ ලියම් ඩෝසන් - ජේමි ඕවර්ටන් - අදිල් රෂීඩ් - සොනී බේකර් - හෙන්රි ක්‍රොකොම්බ් මෙම කණ්ඩායම් සංයුතිය අනාවැකි මත පදනම් වූවක් වන අතර, අවසන් ක්‍රීඩක ලැයිස්තු තරගයට පෙර තහවුරු වීමට නියමිතය.

ශ්‍රී ලංකාව පාකිස්තානය පරදා සුපිරි ජයක් වාර්තා කරයි - සිංහයෝ ජය මාවතේ ඉදිරියටම

ගඩාෆි ක්‍රීඩාංගණයේ තණතීරුව කාට වාසිදායක වෙයිද?

ලාහෝර්හි ගඩාෆි ක්‍රීඩාංගණයේදී මේ වසරේ පැවති තරගවලදී අඩු ලකුණු වාර්තා වීම කැපී පෙනෙන ලක්ෂණයක් වී තිබේ.

කෙසේ වෙතත්, පසුගිය වසරේ පැවති ශූරයන්ගේ කුසලාන තරගාවලියේදී ලකුණු 300 සීමාව ඉක්මවා ගිය අවස්ථා ද වාර්තා විය.

මෙම තරගය පැවැත්වෙන දිනයේ උෂ්ණත්වය සෙල්සියස් අංශක 30ක් පමණ දක්වා ඉහළ යනු ඇතැයි අපේක්ෂා කෙරෙන අතර, වර්ෂාවෙන් තරගයට බාධාවක් ඇති වීමේ අවදානමක් නොමැති බව ද වාර්තාවේ සඳහන් වේ.

නව පන්දුවෙන් වේගපන්දු යවන්නන්ට යම් වාසියක් ලබාගත හැකි අතර, මැද පන්දුවාරවලදී දඟපන්දු යවන්නන්ගේ දායකත්වය ද තීරණාත්මක විය හැකිය.

එමෙන්ම, පළමුව පන්දුවට පහර දෙන කණ්ඩායම්වලට මෙම ක්‍රීඩාංගණයේදී අභියෝගවලට මුහුණ දීමට සිදුව ඇති බැවින්, කාසියේ වාසිය දිනාගන්නා නායකයා පළමුව පන්දු යැවීමට තීරණය කිරීමේ වැඩි ඉඩක් පවතී.

අභිෂේක් ශර්මා පිටිය දෙවනත් කරමින් ශතකයක් වාර්තා කරයි - ඉන්දියාවට තරගාවලි ජයත් හිමි වෙයි [FULL

ගඩාෆි ක්‍රීඩාංගණයේ එක්දින වාර්තා වාර්තාව සංඛ්‍යාලේඛන

පැවති සමස්ත තරග 92

පළමුව පන්දුවට පහරදී ජයගත් තරග 46

පළමුව පන්දු යවා ජයගත් තරග 44

පළමු ඉනිමේ සාමාන්‍ය ලකුණු 249

දෙවැනි ඉනිමේ සාමාන්‍ය ලකුණු 216

ඉහළම ලකුණු සංඛ්‍යාව 375/3

අඩුම ලකුණු සංඛ්‍යාව 75

මෙම සංඛ්‍යාලේඛන අනුව, කණ්ඩායම් දෙකටම ජයග්‍රහණය සඳහා අවස්ථාවක් පවතින අතර, තණතීරුවේ හැසිරීම සහ පන්දු යවන්නන්ගේ දක්ෂතා තරගයේ තීරණයට බලපෑ හැකිය.

අවසන් මහා තරගයට පෙර ශ්‍රී ලංකාවට තවත් ජයක් වාර්තා කිරීමට හැකි වේද? නැතහොත් පරාජයන් මාලාව අවසන් කරමින් එංගලන්තය ජයග්‍රහණය කරා යනු ඇත්ද? ඒ පිළිබඳ අවධානය යොමුව තිබේ.

ලෝක ක්‍රිකට් පිටිය හොල්ලපු ශ්‍රී ලංකාවේ අසහාය ශ්‍රේෂ්ඨයාගේ උපන්දිනය - කුමාර් සංගක්කාරට සුබ උපන්දිනයක්