එප්ස්ටීන්ව සමාජ ශාලාවෙන් ඉවත් කළ බව ට්‍රම්ප් කියයි - ට්‍රම්ප් හදිසියේම හෙළි කළ කතාව

ඇමරිකානු ජනාධිපති ඩොනල්ඩ් ට්‍රම්ප් සහ ලිංගික අපරාධ සම්බන්ධයෙන් චෝදනා ලැබ සිටියදී මියගිය ජෙෆ්රි එප්ස්ටීන් අතර පැවති සම්බන්ධතාව පිළිබඳව ඔහියෝ ප්‍රාන්තයේ පැවති රැලියකදී විරෝධතාකරුවෙකු ප්‍රශ්න කිරීමත් සමඟ ට්‍රම්ප් ඒ සම්බන්ධයෙන් ප්‍රතිචාර දක්වා තිබේ.

ඉදිරි සතියේ පැවැත්වීමට නියමිත මධ්‍යවාර මැතිවරණයට පෙර රිපබ්ලිකන් සෙනෙට් සභික ජෝන් හස්ටඩ්ට සහාය පළ කිරීම සඳහා චිලිකොති නගරයේ පැවති රැලියකදී මෙම සිදුවීම වාර්තා වී ඇත.

එහිදී විරෝධතාකරුවෙකු ජෙෆ්රි එප්ස්ටීන් පිළිබඳව හඬ නඟා ප්‍රශ්න කර තිබේ. ඊට ප්‍රතිචාර දක්වමින් ට්‍රම්ප් පවසා ඇත්තේ, මීට වසර 20කට පමණ පෙර එප්ස්ටීන් පුද්ගලික සමාජ ශාලාවකින් ඉවත් කිරීමට තමන් කටයුතු කළ බවයි.

“ඔහු අමුතු පුද්ගලයෙකු බව මට හැඟුණු නිසා මම එප්ස්ටීන් සමාජ ශාලාවකින් ඉවත් කළා” යනුවෙන් ට්‍රම්ප් ප්‍රකාශ කර තිබේ.

එය තමන් කළ හොඳ දෙයක් බව ද ඔහු එහිදී සඳහන් කර ඇත. එප්ස්ටීන් සම්බන්ධයෙන් තමන්ට කිසිදු වරදක් නොමැති බවට අදහස් දක්වමින් ට්‍රම්ප් තවදුරටත් ප්‍රකාශ කර ඇත්තේ, එප්ස්ටීන් ඩිමොක්‍රටික් පක්ෂයේ පුද්ගලයන් සමඟ ද කාලය ගත කළ බවයි. එමෙන්ම, රැලියට බාධා කළ විරෝධතාකරුවන් විවේචනය කිරීමට ද ඔහු කටයුතු කර තිබේ.

ඊශ්‍රායලයම අවිනිශ්චිත තත්ත්වයක - ඡන්දවලින් 90%කට ආසන්න ප්‍රමාණයක් ගැන්නත් උත්තරයක් නෑ - අද සවස වෙනකල් මුළු රටම බලාගෙන

ජෙෆ්රි එප්ස්ටීන් 2019 වසරේදී ලිංගික ජාවාරම් චෝදනා සම්බන්ධයෙන් නඩු විභාගයකට මුහුණ දීමට බලා සිටියදී ෆෙඩරල් අත්අඩංගුවේ පසුවන අතරතුර මියගියේය.

ඔහුගේ මරණය සියදිවි නසා ගැනීමක් ලෙස තීරණය කර තිබිණි.

සෙනෙට් සභිකයාගේ ශරීරය ගැනත් ට්‍රම්ප්ගෙන් ප්‍රකාශයක්

මෙම රැලියේදී ට්‍රම්ප් රිපබ්ලිකන් සෙනෙට් සභික ජෝන් හස්ටඩ්ගේ ශාරීරික පෙනුම සහ ක්‍රීඩා හැකියාවන් පිළිබඳව ද මිනිත්තු කිහිපයක් අදහස් දක්වා තිබේ.

හස්ටඩ් විශ්වවිද්‍යාල සමයේ සාර්ථක ඇමරිකානු පාපන්දු ක්‍රීඩකයෙකු වූ බව දැනගත් පසු ඔහු පිළිබඳ තම අදහස වෙනස් වූ බව ට්‍රම්ප් පවසා ඇත.

එහිදී හස්ටඩ්ගේ ශරීර ශක්තිය සහ උරහිස් පිළිබඳව ද ඔහු අදහස් පළ කර තිබේ. මීට පෙර මෙම මාසයේ යංග්ස්ටවුන්හි පැවති රැලියකදී ද ට්‍රම්ප් හස්ටඩ්ගේ ශරීරය සහ ශාරීරික ශක්තිය පිළිබඳව අදහස් දක්වා තිබූ බව වාර්තාවේ සඳහන් වේ.

“ලෝකයක් බලා සිටින ඊශ්‍රායල මැතිවරණයේ නෙතන්යාහුටත් විපක්ෂයේ අයිසන්කොට්ටත් බහුතරය අහිමි වන ලකුණු'' - අරාබි පක්ෂ තීරණාත්මක වෙයි