ඉන්දියාවේ විෂ සහිත කැස්ස සිරප් වර්ග 3ක් ගැන අලුත්ම ආරංචිය

ඉන්දියාවේ හඳුනාගත් විෂ සහිත කැස්ස සිරප් වර්ග 3ක පිළිබඳව ලෝක සෞඛ්‍ය සංවිධානය (WHO) සෞඛ්‍ය උපදේශන අනතුරු ඇඟවීමක් නිකුත් කර ඇති අතර, බලධාරීන්ගෙන් ඉල්ලා සිටියේ එම ඖෂධ ඔවුන්ගේ රටවල තිබේ නම් සෞඛ්‍ය ආයතනවලට වහාම වාර්තා කරන ලෙසයි.

බලපෑමට ලක්වූ ඖෂධවලට අයත් වන්නේ Sresan Pharmaceuticals සමාගමේ Coldrif, Rednex Pharmaceuticals සමාගමේ Respifresh TR සහ Shape Pharma සමාගමේ ReLife කැස්ස සිරප් වර්ගයි. මෙම නිෂ්පාදනවල තිබෙන විෂ සහිත ඩයිතිලීන් ග්ලයිකෝල් (DEG) ප්‍රමාණය ආරක්ෂිත සීමාවට වඩා 500 ගුණයකට ආසන්න තත්ත්වයක පවතින බැවින්, දරුණු රෝග ඇති කිරීමේ සහ ජීවිතයට තර්ජනයක් වීමේ අවදානමක් ඇති බව WHO පවසයි.

දරුවන් 17ක් මරු තුරුළට යැවූ මේ මාරාන්තික කැස්ස සිරප් 3 තහනම්

ඉන්දියාවේ මධ්‍යම ඖෂධ ප්‍රමිති පාලන සංවිධානය (CDSCO) WHO වෙත දන්වා සිටියේ මෙම සිරප් මෑතකදී මධ්‍ය ප්‍රදේශ් පළාතේ චින්ද්වාරා දිස්ත්‍රික්කයේ වයස අවුරුදු 5ට අඩු ළමුන් 22කට වැඩිහිටියන් විසින් පරිභෝජනය කරවූ බවත්, ඔවුන්ගෙන් බොහෝ දෙනෙකු මියගිය බවත්ය. මෙම සිරප්වල DEG ප්‍රමාණය 48.6% දක්වා ඉහළ ගොස් ඇති බව සොයාගෙන තිබේ.

ඊට අමතරව, රාජස්ථාන පළාතේදී ද මෙවැනි සිරප් භාවිතයෙන් ළමුන් 3ක් මියගිය බව වාර්තා වී ඇති අතර, ඉන්දියාවේ රජය මෙම සිරප්වල නිෂ්පාදනය, බෙදාහැරීම සහ විකුණුම් වහාම නැවැත්වීමට නියෝග කර ඇත.

CDSCO පවසන්නේ මෙම දූෂිත ඖෂධ ඉන්දියාවෙන් විදේශගතව නොමැති බවත්, නීතිවිරෝධී අපනයනයක් සම්බන්ධයෙන් කිසිදු සාක්ෂියක් නොමැති බවත්ය. එක්සත් ජනපද ආහාර හා ඖෂධ පරිපාලනය (FDA) ද එම සිරප් එරටට නැව්ගතව නොමැති බව සිකුරාදා (11) තහවුරු කර ඇත.

තවත් භයානක රෝගයක් - විශේෂයෙන්ම මේ අය ප්‍රවේශම්වන්න

WHO මෙම සිදුවීම්වලින් ඉන්දියාවේ ඖෂධ නිෂ්පාදනවල රෙගුලාටරි පරතරයක් ගැන කනස්සල්ලට පත්ව ඇති අතර, DEG/EG පරීක්ෂණවලදී තිබෙන දුර්වලතා පිළිබඳවද සඳහන් කර ඇත. මෙම වර්ගයේ තුන්වන රට්‍රික රාජ්‍යවලට අපනයනය වන ඖෂධවල DEG/EG පරීක්ෂණ සඳහා 2023 සිට තවත් පියවර ගෙන ඇති ඉන්දියාවේ රජයටද අමතර උපදෙස් ලබාදෙන බව WHO සඳහන් කරයි.

මැඩගස්කරයේ පාලනය හමුදා අතට