Dusting Challenge එක නිසා 19 හැවිරිදි දැරිය මියගිය අවාසනාව

ඇමෙරිකා එක්සත් ජනපදයේ සමාජ මාධ්‍ය තුළ ජනප්‍රිය වූ Dusting නම් අභියෝගයකට සහභාගි වූ 19 හැවිරිදි තරුණ කාන්තාවක් මියගොස් ඇති බව වාර්තා වේ.

මියගිය තරුණිය ඇරිසෝනා ප්‍රාන්තයේ පදිංචි රෙනා ඕ’රූර්ක් නම් තරුණියකි. සමාජ මාධ්‍ය තුළ වැඩි ප්‍රේක්ෂක ආකර්ෂණයක් ලබා ගැනීමේ අරමුණින් ''Dusting ’ සහ Grooming යනුවෙන් හඳුන්වන අභියෝගවලට තරුණ තරුණියන් ආකර්ෂණය වී ඇත.

කොළඹ පදිංචිකරුවන්ට ලැබුණු පළමු අනතුරු ඇඟවීම – ජීවිත බේරෙන්න වහාම ක්‍රියා කරන්න!

Dusting යනු පරිගණක යතුරුපුවරු පිරිසිදු කිරීම සඳහා භාවිතා කරන එයාර්සෝල් (Aerosol) ස්ප්‍රේ ආශ්වාස කිරීමේ අභියෝගයකි. රෙනා ඕ’රූර්ක්, තම දෙමාපියන්ට නොදන්වා, එයාර්සෝල් යතුරුපුවරු පිරිසිදුකාරකයක් (Keyboard Cleaner) භාවිතා කරමින් මෙම අභියෝගයට සහභාගි වී ඇත.

මෙම ස්ප්‍රේ ආශ්වාස කිරීම හේතුවෙන් ඇයට බරපතළ සෞඛ්‍ය ගැටලු ඇති වූ අතර, පසුගිය සතියේ සිට රෝහල්ගතව ප්‍රතිකාර ලබමින් සිටි රෙනා ජුනි 8 මියගොස් ඇත. “මම එක දවසක ජනප්‍රිය වෙනවා, ඔබලා බලාගන්න,” යැයි රෙනා නිතර පවසා ඇති බව ඇගේ පියා ආවේගශීලීව ප්‍රකාශ කළේය.

ගිඟුරුම් සහිත වර්ෂාවක් එනවා – කාලගුණ අනාවැකි මෙන්න

“නමුත් ඇය මෙලෙස තම ජීවිතය අහිමි කරගනිමින් ජනප්‍රිය වනු ඇතැයි කිසිවිටකත් සිතුවේ නැහැ,” ඔහු තවදුරටත් පැවසීය. මෙවැනි එයාර්සෝල් ස්ප්‍රේ මිලදී ගැනීම සඳහා හැඳුනුම්පත් ඉදිරිපත් කිරීමක් අවශ්‍ය නොවීම හේතුවෙන්, දරුවන්ට පවා මෙම භාණ්ඩ පහසුවෙන් ලබා ගත හැකි බව රෙනාගේ දෙමාපියන් පෙන්වා දෙයි.

“මෙවැනි අනතුරුදායක අභියෝගවලින් තම දරුවන් ආරක්ෂා කර ගැනීමට සියලු දෙමාපියන් අවධානයෙන් සිටිය යුතුයි. මෙවැනි ඛේදවාචකයක් තවත් කිසිවකුට සිදු නොවිය යුතුයි,” යැයි රෙනාගේ මව්පියන් අවධාරණය කළහ.

විශේෂඥයින් අනතුරු ඇඟවූයේ, මෙවැනි එයාර්සෝල් රසායනික ද්‍රව්‍ය ආශ්වාස කිරීම තාවකාලික මත්ද්‍රව්‍ය ආභාසයක් ලබා දුන්නත්, එය ඉතා ඉක්මනින් මරණයට හේතු විය හැකි බවයි.

අපේ නෝනගේ කරෙත් මාලේ නෑ! චිචීගේ බල්ලගේ චේන් එක පවුම් 90යි..! - වසන්තට ජීවිතේම කලකිරීමක්

බොහෝ විට මෙම රසායනික ද්‍රව්‍ය හෘදයාබාධ ඇති කරමින් මරණයට හේතු වන බවද ඔවුහු පෙන්වා දෙති. මෙම සිදුවීමත් සමඟ, සමාජ මාධ්‍ය තුළ පැතිරෙන අනතුරුදායක අභියෝග පිළිබඳව තරුණ තරුණියන් සහ ඔවුන්ගේ දෙමාපියන් දැනුවත් කිරීමේ අවශ්‍යතාව තවදුරටත් ඉස්මතු වී ඇත.