මහා භාණ්ඩාගාරෙ ඩො.මි. 2.5 සොරකම ගැන වාර්තාව මගේ නිවසට එවලා පෞද්ගලික පරිශීලනය සඳහා පමණයි කියලා - හර්ෂ [VIDEO]

රජයේ මුදල් පිළිබඳ කාරක සභාවේ සභාපති පාර්ලිමේන්තු මන්ත්‍රී ආචාර්ය හර්ෂ ද සිල්වා මහතා සඳහන් කර ඇත්තේ මහා භාණ්ඩාගාරයේ අමෙරිකානු ඩොලර් මිලියන දෙකයි දශම පහක මුදලක් වෙනත් පාර්ශ්වයකට යොමුකිරීමේ සිද්ධිය පිළිබඳව රජයේ මුදල් පිළිබඳ කාරක සභාව මුදල් අමාත්‍යාංශ ලේකම්වරයාගෙන් ඉල්ලූ වාර්තාවක් තම පෞද්ගලික නිවසට එවා තිබූ බවයි.

ඒ අනුව පාර්ලිමේන්තු මන්ත්‍රීවරයා වැඩිදුරටත් කරුණු සඳහන් කරමින් කියා සිටියේ අඳාළ වාර්තාව තමා භාරගැනීම ප්‍රතික්ෂේප කළ බවයි.

එක්සත් ජාතික පක්ෂ‍යේ ලොක්කෙක් රිමාන්ඩ් - මොහුට මුදල් ලබා දී ඇත් නම් වහාම දැනුම් දෙන ලෙස දන්වයි

එසේම එය පාර්ලිමේන්තුවට එවන ලෙසත් තමා නියෝග කළ බව ඔහු පවසයි. හර්ෂ ද සිල්වා මහතා තවදුරටත් ප්‍රකශ කළේ,

"මහා භාණ්ඩාගාරයේ ඩොලර් මිලියන 2.5ක සොරකම ගැන මුදල් අමාත්‍යාංශ ලේකම්ගෙන් සවිස්තර වාර්තාවක් ඉල්ලුවා. ඒක මගේ නිවසට එවලා 'පෞද්ගලික පරිශීලනය සඳහා පමණයි' කියලා. වාර්තාව ඉල්ලුවේ මට පෞද්ගලිකව පරිශීලනය කරන්න නෙවෙයි. රජයේ මුදල් පිළිබඳ කාරක සභාවේදී සාකච්ඡා කරන්න. මම එය භාරගැනීම ප්‍රතික්ෂේප කරලා. නැවතත් පාර්ලිමේන්තුව හරහා ඔවුන්ට ලැබෙන්න සැලැස්වූවා. මුදල් පිළිබඳ සොයාබැලීමේ බලය පාර්ලිමේන්තුවට ඒකටනේ මුදල් කමිටුව පත්කරලා තියෙන්නේ. වාර්තාව මට එවීම ඒ වගකීම මුදල් කමිටුවෙන් උදුරාගැනීමක්. එහෙම වෙන්න බැහැනේ, එහෙම වෙන්නේ කොහොමද? මුදල් කමිටු සාමාජිකයන්ගේ එකඟත්වය මත මම නියෝග කළා. හෙට නැවත පාර්ලිමේන්තුවට වාර්තාවක් ඉදිරිපත්කරන ලෙස. එය ලැබුණු පසු අපි ඒ සම්බන්ධයෙන් සාකච්ඡා කරනවා. මේ වාර්තාව පාර්ලිමේන්තුවට ලබාදීමට හැකිවිය යුතුයි."

කොරෝනා අර්බුදයටත් වඩා ලොකු අර්බුදයක් ගැන නලින්ද හෙළි කරයි

හිටපු හමුදාපති ශවේන්ද්‍ර සිල්වා සජබෙන් දේශපාලනයට? සමාජ මාධ්‍ය කලඹමින් පුවතක් පැතිරෙයි

අඳාළ වීඩියෝව උපුටා දක්වා ඇත,