ඇඟේ හිරිගඩුත් පිපුනා මේක දැකලා. - බිහිසුණු ගුවන් ගමනකින් ජීවිත 141ක් බේරාගත් ගුවන් නියමුවන්. - පැය ගානක් උඩු ගුවනේ සිදු වූ දේ. - (VIDEO)
Wayomi
පෙරේදා (11) වන සිකුරාදා දින නියමුවන් දෙදෙනෙකු, ගුවන් සේවිකාවන් 06 දෙනෙකු සහ මගීන් 141දෙනෙකු සමඟින් ගමන් ගත් ඉන්දියා එයාර් ගුවන් සේවයට අයත් බෝයිං 737 - 800 යානය උඩු ගුවනේදී කාර්මික දෝෂයකට ලක්වුණා.
මෙම ගුවන් යානය ඉන්දියාවේ ට්‍රිචී ගුවන් තොටුපළේ සිට සාජා බලා පියාසර කරමින් තිබූ අතර ධාවන පථයෙන් ඉහළට නගිනවාත් සමග ගුවන් යානයේ රෝදවල දෝෂයක් හටගෙන තිබෙනවා. ඒ බව වහා හඳුනාගත් ගුවන් නියමුවන් ඒ බව ට්‍රිචී ගුවන්තොටුපළේ පාලක මැදිරියට දන්වා සිටියා.
කෙසේ වෙතත් හදිසි ගොඩබෑමකට ගුවන් යානයේ බර සැහැල්ලු කරගත යුතු බැවින් ගුවන් යානයේ ඉන්ධන අඩු කර ගැනීම සඳහා පස්වරු 5:45 සිට රාත්‍රී 8:10 දක්වාම ට්‍රිචී ගුවන් සීමාවේ ඉහළ ගුවනේ කරකැවීමෙන් පියාසර කරවීමටයි ගුවන් නියමුවන් කටයුතු කර තිබුනා.
මෙම අවස්ථාවේ ට්‍රිචී ගුවන්තොටුපොළ තුළ ගිනි නිවන රථ 10ක්, ගිලන් රථ 18ක්, වෛද්‍යවරුන් 20ක් සහ වෛද්‍ය නිලධාරීන් සියයකට අධික පිරිසක් හදිසි ගොඩබෑමකට සූදානම්ව සිටියා.
පසුව රාත්‍රී 8:15ට මගීන් රැගත් යානය සාර්ථකව ගොඩ බැස්සවීමට එහි ගුවන් නියමුවන් සමත්ව තිබුණා.
