දුම්රියේ යන අයගේ ජීවිත අනතුරේ, බිහිසුණු දුම්රිය අනතුරු ගැන අනතුරු ඇඟවීමක්

අද (04) පෙරවරුවේ දී හලාවත සිට කොළඹ කොටුව බලා ධාවනය වූ අංක 810 දුම්රිය රාගම දුම්රිය ස්ථානය අසලදී පාලන සංඥා දෝෂයක් හේතුවෙන් ගැටලුකාරී තත්ත්වයකට මුහුණ පා තිබෙන බව වාර්තා විය.

ඒ අනුව දුම්රිය නියාමක සංගමය ප්‍රවෘත්ති සාකච්ඡාවක් පවත්වමින් සංඥා දෝෂ ඇතිවීම වැළැක්වීමට බලධාරීන් ඉක්මන් පියවර නොගතහොත් ඉදිරියේදී දැවැන්ත දුම්රිය අනතුරු සිදුවීමේ විශාල අවදානමක් ඇති බවට ප්‍රකාශ කරයි.

AliExpress දැන් මොකක්ද කියන්නේ ? සියලු ඇත්ත මෙන්න

මෙහිදී දුම්රිය නියාමක සංගමය මඟින් හලාවත සිට කොළඹ කොටුව බලා ධාවනය වූ අංක 810 දරන දුම්රිය රාගම දුම්රිය ස්ථානයට පැමිණීමේදී අංක 98 පාලන සංඥාව දෝෂ සහිත තත්ත්වයක තිබූ බව පවසා ඇත.

ඒ නිසා දුම්රිය තවදුරටත් ධාවනය නොකර ඉක්මනින් අදාළ පාර්ශ්ව දැනුවත් කිරීමට පියවර ගත් බව එහි ප්‍රධාන නියාමකවරයා කියා සිටියා.

ඒ අනුව ප්‍රධාන නියාමක යූ.එච්. ආරියරත්න මහතා සඳහන් කළේ,

ඉහළ දැමු විශ්‍රාම වැටුප් ගැන විශේෂ දැනුම්දීමක්

"රාගම දුම්රිය ස්ථානයේ ඇතුළත් වීමේ සංඥා අංක 98 පාලන සංඥා දීලා තිබ්බේ. මගේ තිරිංග මැදිරිය පසු කරනවාත් එක්ක ඒ සංඥා නිමෙන්න ඕනේ. ඒත් නිමුනේ නෑ.. මම දුම්රිය නවත්තලා ආයේ පස්සට ගිහින් බලද්දිත් සංඥාව පත්තුවෙලා තිබ්බේ. ඊට පස්සේ රියදුරා දැනුවත් කරලා මම ඡායාරූප ලබාගෙන අදාළ අංශ දැනුවත් කළා. දැන් මේ විදිහට ඉදිරියට ධාවනය කරලා තව දුම්රියක් තිබ්බා නම් විශාල ගැටලුවක් වෙන්න තිබ්බා."

එසේම දුම්රිය නියාමක සංගමයේ ලේකම් කේ.ඩී.ඩී. ප්‍රසාද් මහතා පැවසුවේ මෙවැන්නක්,

"මේ වගේම සිද්ධියක් වෙලා තියෙනවා අලව්වේ සහ ගනේමුල්ලේ දුම්රිය ස්ථානවල. සංඥාවල දෝෂ නිවැරදි කරන්න කටයුතු කරන්නේ නැත්තම් ඉදිරියේදී විශාල අනතුරක් සිදු වෙන්න පුළුවන්."

ආයේ ali express එකෙන් ලංකාවට බඩු දෙන්නේ නෑ

මේ සමඟම ලොකොමොටිව් ඔපරේටිං ඉංජිනියර්ස් සංගමය මඟින් ද නිවේදනයක් නිකුත් කරමින් ඉහත සිදුවීම් සිදුවීමට හේතුව, ඒ වෙනුවෙන් වගකිව යුත්තේ කවුද? හා දුම්රිය ධාවනයට සංඥා පද්ධතිය කොතරම් දුරට විශ්වසනීය හා ආරක්ෂාකාරී ද යන්න සම්බන්ධයෙන් විධිමත් සාකච්ඡාවකින් තහවුරු කරන ලෙස දක්වා ඇත.

"දුම්රිය මගීන් හා දුම්රිය කාර්යමණ්ඩලය මෙම තත්ත්වය හමුවේ ඇති ජීවිත අවදානම හේතුවෙන් සංඥා පද්ධතිය නැවත පරීක්ෂා කොට දුම්රිය විශ්වසනීය හා ආරක්ෂාකාරී ධාවනයට ලබා නොදෙන්නේ නම් දුම්රිය ධාවනයෙන් ඉවත්වන බව කනගාටුවෙන් දන්වා සිටිමු." යනුවෙන් ද එහි සඳහන් වෙයි.

මේ දිනේෂ් චන්දිමාල්ද? කෙල්ලොන්ගේ Crush එක දිනේෂ් චන්දීමාල්ගෙ වෙනස බලන්නකෝ - අදුරන්නත් බෑ