ශ්‍රී ලංකාව බින්දුවටම වැටෙනවා – දිලිත් ජයවීර

“හංදියක් හංදියක් ගානේ ජනාධිපතිවරයා කතා කරාට වැඩක් නැහැ. ඇමරිකාව විසින් සියයට 44ක පැන වූ තීරු බද්දෙන් ලංකාව බිංදුවට වැටෙනවා.” යැයි පාර්ලිමේන්තු මන්ත්‍රි දිලිත් ජයවීර පැවැසීය.

මේ පිළිබඳව මීට පෙර දැනුම් දී තිබියදීත් ජනාධිපති අනුර කුමාර දිසානායක සිදු කළේ චාමර සම්පත් පාර්ලිමේන්තු මන්ත්‍රිවරයා රක්ෂිත බන්ධනාගාරගත කිරීම පිළිබඳ පාරම්බෑම පමණක් බවද මන්ත්‍රිවරයා සඳහන් කළේය.

ට‍්‍රම්ගේ බද්දෙන් ගාමන්ට් ව්‍යාපාරය හාන්සියි – රැකියා රැසක් නැතිවෙනවා

මන්ත්‍රිවරයා මේ බව ප්‍රකාශ කළේ බොරැල්ල සර්වජන බලය පක්ෂ මුලස්ථානයේ අද (03 වැනිදා) පැවැති මාධ්‍ය හමුවේදීය.

දේශපාලනය නිසා මෙරටට අන්තර්ජාතිකව උකහා ගත හැකි ආර්ථික අවස්ථාවන් සම්පුර්ණයෙන්ම මග හැරී ඇති බව පැවසු මන්ත්‍රිවරයා මේ යථාර්තය තේරුම් ගැනීමට ආණ්ඩුවට ඇති නොහැකියාව පිළිබද දැඩි කනගාටුවක් ඇති බවද පැවැසීය.

“ඇමරිකාවේ රජය විසින් තීරණයක් අරගෙන තියෙනවා අපි ගහන බද්දට සමාන්තර ඔවුන්ගේ බද්ද කියන සංකල්පය. දැන් ලංකාවෙන් අපනයනය කරන සියලුම භාණ්ඩවලට සියයට 44ක බද්දක් ඔවුන් පනවන්නට නියමිතයි.

ණයක් ගන්න බලාගෙන ඉන්න අයට සුබ ආරංචියක්.!

මේ සියයට 44ක බද්ද කියන්නේ එසේ මෙසේ බද්දක් නෙවේ. ලංකාවෙන් අපනයනය කරන ඇඟලුම්, රබර් ආශ්‍රිත නිෂ්පාදන, පොල් ආශ්‍රිත නිෂ්පාදන ඇතුළු නිෂ්පාදන රාශියක් සඳහා සියයට 44ක බද්දක් පැනවීම හරහා අනිවාර්යෙන්ම මේ සියලුම අංශ එක රැයකින් කඩාගෙන වැටෙනවා.

මොකද සියයට 44ක බද්දක් ගෙවලා ඒ රටට ආනයනය කරන වෙළෙඳාම කරන අය ඒ බද්ද පාරිභෝගිකයා මත පැටෙව්වාම පාරිභෝගිකයාට තවදුරටත් දරා ගන්න බැහැ. ඒ නිසා ඔවුන් ඒ භාණ්ඩ අපෙන් මිලදී ගන්නේ නැහැ. ඒ නිසා ජනාධිපතිවරයා කළ යුතු වෙන්නේ තැන් තැන්වලට ගිහින් වැඩක් නැති කතා නොකියා වැඩපිළිවෙළක් සහිත දේවල් කියන්න කරන්න.”