එස් අයි ගේ බැංකු ගිණුමෙන් සල්ලි ඇද්ද එස්.අයි මාට්ටූ

කිලිනොච්චිය, අරවියෙල් නගර් පොලිස් විශේෂ කාර්‍ය බළකා කඳවුරේ උප පොලිස් පරීක්ෂකවරයෙකුගේ සිම්පතක් සොරාගෙන බැංකු ගිණුමකින් සහ ණය කාඩ් පතකින් රු. 138,472 ක මුදල් ලබාගත් බව කියන එම කඳවුරේම ආධුනික උප පොලිස් පරීක්ෂකවරයෙකු අත්අඩංගුවට ගත් බව කිලිනොච්චිය පොලිසිය පවසයි.

රවී කරුණානායක සුපර් හීරෝ කෙනෙක් වෙන්නයි යන්නේ - One Man ෂෝ එකක්

පැමිණිලිකරු සහ සැකකරු යන උප පොලිස් පරීක්‍ෂකවරුන් දෙදෙනාම එකම කඳවුරේ සේවය කරනු ලබන අතර පැමිණිලිකාර උප පොලිස් පරීක්ෂකවරයාගේ සිම්පත සැකකාර උප පොලිස් පරීක්ෂකවරයා විසින් සොරාගෙන ඇති බව පොලිස් විමර්ශනවලදී අනාවරණය වී ඇත.

අනතුරුව සැකකාර උප පොලිස් පරීක්‍ෂකවරයාවිසින් ඉකුත් ජූලි මස 31 වැනිදා සිට වරින් වර මුදල් ලබාගෙන ඇති බවට තොරතුරු අනාවරණය වී ඇත. ඒ අනුව සිදුකළ විමර්ශන වලින් පසු සැකකාර උප පොලිස් පරීක්ෂකවරයා අත්අඩංගුවට ගෙන ඇත.

තවත් ලොක්කෙක්ට වැඩ වරදී - හිටපු අමාත්‍ය අනුර ප්‍රියදර්ශන යාපාට අධි චෝදනා 5 ක්