ගුවන් යානයක් අහසෙම ගිනිගනී - එන්ජින් අකස්සට දැල්වෙයි [VIDEO]

By Shehan Aug 19, 2025 03:14 PM GMT

Shehan

Report

ග්‍රීසියේ සිට ජර්මනියේ ඩසල්ඩෝෆ් වෙත පියාසර කරමින් තිබූ කොන්ඩෝර් ගුවන් සේවයට අයත් බෝයිං 757 ගුවන් යානයක එන්ජිම ගුවනේදී ගිනි ගැනීම හේතුවෙන් ඉතාලියේ බ්‍රින්ඩිසි නගරයේ හදිසි ගොඩබෑමක් සිදු කර ඇත.

යානයේ මගීන් 273 දෙනෙකු සහ කාර්ය මණ්ඩල සාමාජිකයින් 8 දෙනෙකු සිට ඇති අතර, ග්‍රීසියේ ඇතන්ස් සිට ගු0550 විට පැයකට පමණ පසු එන්ජිමක ගිනි ගැනීමක් හටගෙන ඇත. නියමුවන්ගේ ඉක්මන් හා ප්‍රවේශම්බර ක්‍රියාකාරිත්වය හේතුවෙන් යානය ඉතාලියේ බ්‍රින්ඩිසි ගුවන් තොටුපළේ ආරක්ෂිතව ගොඩබස්වා ඇත.

A German Condor aircraft flying to Düsseldorf made an emergency landing in southern Italy due to engine failure caused by suspected bird strike.

The Condor Boeing 757-330 aircraft (D-ABOK) flying from Corfu (CFU) to Dusseldorf (DUS) started spitting flames right after the… pic.twitter.com/k4b0W0myqg
— FL360aero (@fl360aero) August 17, 2025

සියලුම මගීන් හා කාර්ය මණ්ඩලය ආරක්ෂිතව ඉවත් කර ගැනීමට හැකි වූ බව ගුවන් සමාගම පවසයි. බ්‍රින්ඩිසි නගරයේ ප්‍රමාණවත් හෝටල් පහසුකම් නොමැතිකම හේතුවෙන්, මගීන්ට රාත්‍රිය ගුවන් තොටුපළ තුළ ගත කිරීමට සිදු විය.

මෙම අපහසුතාවය සම්බන්ධයෙන් කොන්ඩෝර් ගුවන් සමාගම මගීන්ගෙන් සමාව අයැද සිටි අතර, පසුදින (අගෝස්තු 20) වෙනත් ගුවන් යානයකින් මගීන් ජර්මනියේ ඩසල්ඩෝෆ් වෙත රැගෙන යන ලදී. ගුවන් යානයේ එන්ජිම ගිනි ගනිමින් තිබූ අවස්ථාවේ වීඩියෝ දර්ශන අන්තර්ජාලයේ ශීඝ්‍රයෙන් පැතිර යමින් පවතී. මෙම වීඩියෝව මගීන් හා ගුවන් ආරක්ෂාව පිළිබඳ බරපතළ සංවාදයක් ඇති කර ඇත.

කොන්ඩෝර් ගුවන් සමාගම ප්‍රකාශ කර ඇත්තේ, සිදුවීම සම්බන්ධයෙන් විමර්ශනයක් ආරම්භ කර ඇති බවත්, එන්ජිමේ ගිනි ගැනීමට හේතුව තාක්ෂණික දෝෂයක් ද යන්න සොයා බලන බවත්ය. එමෙන්ම, මගීන්ගේ ආරක්ෂාව සහතික කිරීමට ගත් ක්‍රියාමාර්ග ගැන ගුවන් සමාගම සතුට පළ කර ඇත.

මෙම සිදුවීම, ගුවන් යානා ආරක්ෂාව සහ හදිසි අවස්ථාවලදී ගුවන් සමාගම්වල ක්‍රියාකාරීත්වය පිළිබඳ ජනතාවගේ අවධානය යොමු කර ඇත. බෝයිං 757 යානාවල තාක්ෂණික විශ්වසනීයත්වය පිළිබඳව ද යම් ප්‍රශ්න මතු වී ඇති අතර, ඉදිරි විමර්ශනවලින් එන්ජිමේ ගිනි ගැනීමට හේතුව තහවුරු කිරීමට අපේක්ෂිතය.