ජාතික වනෝද්‍යාන කිහිපයක් වසා දමයි

පවතින දැඩි වැසි සහිත අයහපත් කාලගුණ තත්ත්වය හේතුවෙන් ජාතික වනෝද්‍යාන කිහිපයක් තාවකාලිකව සංචාරකයින් සඳහා වසා දැමීමට වනජීවී සංරක්ෂණ දෙපාර්තමේන්තුව තීරණය කර තිබේ.

දෙපාර්තමේන්තුව නිකුත් කළ නිවේදනයට අනුව, පවතින අධික වර්ෂාපතනය නිසා ඇතැම් උද්‍යානවල මාර්ග අවහිර වීම් සහ ගංවතුර තත්ත්වයන් හේතුවෙන් සංචාරක ක්‍රියාකාරකම් මේ වන විට අත්හිටුවා ඇත.

වස්ගමුව ජාතික වනෝද්‍යානයේ වවුලබේ සහ මහවැලි සංචාරක බංගලා ජලයෙන් යටවී ඇති බැවින් ඒවා වසා දමා ඇති බව වනජීවී දෙපාර්තමේන්තුව තවදුරටත් පැවසීය.

රියැදුරු බලපත් ඔන්ලයින් නිකුත් කිරීම අක්‍රීයයි - විශේෂ නිවේදනයක්

හෝර්ටන් තැන්න ජාතික වනෝද්‍යානයට ඔහිය සහ පට්ටිපොල ප්‍රවේශ මාර්ග දෙකම වර්ෂාවෙන් අවහිර වී ඇති බව දෙපාර්තමේන්තුව වැඩිදුරටත් පැවසීය.

වනජීවී සංරක්ෂණ දෙපාර්තමේන්තුව සඳහන් කරන්නේ, සංචාරකයින්ගේ ආරක්ෂාව සහතික කිරීම මෙම තීරණයේ ප්‍රධාන අරමුණ බවයි.

කාලගුණය සුවපත් වූ පසු උද්‍යාන නැවත විවෘත කරන බව දෙපාර්තමේන්තුව දන්වා සිටී. 

ආයෙත් උසස් පෙළ කල්යයි

ඉදිරි පැය කිහිපයේ දී අධි ගංවතුරක් - මේ ප්‍රදේශවලට රතු නිවේදන