රට හැංගිලා ඉන්න පාතාලයේ 160ට ජාත්‍යන්තර රතු වරෙන්තු... සෙල්ලම් ඉවරයි...!!!
Akash
මෙරට බරපතළ අපරාධ සිදුකර විදෙස් රටවලට ගොස් සැඟව සිටින අපරාධ කරුවන් 167 දෙනෙකු නැවත මෙරටට ගෙන්වා ගැනීමට රජය දැඩි උත්සාහයක නිරතව ඇත.
මේ අය අතුරින් 160 දෙනෙකුට මේ වන විට රතු වරෙන්තු නිකුත් කර තිබෙන බව පොලිස් මූලස්ථානයේ උසස් පොලිස් නිලධාරියෙක් පැවසීය.
මෙම අපරාධකරුවන් මෙරටට ගෙන්වා ගැනීම සඳහා විදේශ කටයුතු අමාත්‍යාංශය, අධිකරණ අමාත්‍යාංශය හරහා රාජ්‍යතාන්ත්‍රික පියවර රැසක් ගෙන තිබෙන බව එම නිලධාරියා අනාවරණය කළේය.
පසුගිය කාලය පුරාවටම අපරාධකරුවන් සැඟව සිටින රටවල් සමඟ රාජ්‍යතාන්ත්‍රික ලිපි හුවමාරුව හා සාකච්ඡා පැවැත්වීම ආදී කටයුතු ඔස්සේ ඔවුන් මෙරටට ගෙන්වා ගැනීමට අවශ්‍ය පියවර ගෙන තිබේ.
ප්‍රංශයට පැන ගොස් එහි සැඟව සිටින බව කියන කුඩු අංජු නමැති අපරාධකරු ගෙන්වා ගැනීමට අවශ්‍ය සියලු කටයුතු සූදානම් කර ඇති බවත් ඉදිරි කාලය තුළ ඒ සඳහා ප්‍රංශ රජයේ අනුමැතිය හිමිවනු ඇති බවත් එම පොලිස් නිලධාරියා වැඩිදුරටත් සඳහන් කළේය.
![දේශබන්දුගේ නොදුටු පැත්ත සහ පාස්කු ප්‍රහාරයට සම්බන්ධ වුන හැටි මෙන්න [VIDEO]](https://cdn.ibcstack.com/article/8188a173-26d0-4cf2-b00e-4088ab61ae29/25-67f38dc094dcf-sm.webp)
